Hoppa yfir valmynd
/

Matreiðslumaður - Landspítali, eldhús - Reykjavík - 201708/1284

 

Matreiðslumaður í eldhús Landspítala
 
Eldhús Landspítala auglýsir eftir matreiðslumanni í fullt starf í vaktavinnu. Við leitum eftir jákvæðum og duglegum einstaklingi sem er tilbúinn að takast á við fjölbreytt og krefjandi verkefni með hressu og skemmtilegu fólki í fjölþjóðlegu starfsumhverfi. Í eldhúsi og matsölum Landspítala starfa alls um 120 starfmenn. Þar af starfa 35 manns við matargerð og skömmtun á almennu fæði og sérfæði. 

Eldhús - matsalir Landspítala sjá um matargerð og máltíðaþjónustu fyrir sjúklinga og starfsfólk spítalans. Markmið starfseminnar er að gæta hagkvæmni og tryggja öryggi matvæla og vinnuferla þannig að framleiðsla og þjónusta sé til fyrirmyndar. Eldhús og matsalir Landspítala eru með Svansvottun.

Helstu verkefni og ábyrgð
» Matreiðir samkvæmt uppskrift og ber ábyrgð á að matur sé bragðgóður og girnilegur
» Matarskömmtun m.a. á færibandi og útsending á máltíðum
» Aðstoðar starfsmenn í matargerð við almenn störf eftir þörfum
» Undirbúningur og tiltekt fyrir næstu máltíð samkvæmt matseðli 
» Frágangur og þrif á vinnusvæðum í samvinnu við annað starfsfólk

Hæfnikröfur
» Sveinspróf í matreiðslu
» Almenn tölvukunnátta
» Hæfni í mannlegum samskiptum
» Íslenskukunnátta

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og SFR - stéttarfélag í almannaþjónustu hafa gert.
Um er að ræða fullt starf þar sem unnið á vöktum frá kl. 7:00-15:00 og kl.8:30-16:30 fjóra virka daga og aðra hvora helgi. Starfið er laust nú þegar eða eftir nánara samkomulagi.

Umsókn fylgi náms- og starfsferilskrá.

Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 100%
Umsóknarfrestur er til og með 28.08.2017

Nánari upplýsingar veitir
Guðrún Kristín Svavarsdóttir - [email protected] - 543 1608
Friðgerður Helga Guðnadóttir - [email protected] - 543 1604

LSH Framleiðslueldhús, matargerð
Hringbraut
101 Reykjavík


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira