Hoppa yfir valmynd
/

Ráðgjafi/stuðningsfulltrúi - Landspítali, bráðageðdeild - Reykjavík - 201708/1267

 

Ráðgjafi/ stuðningsfulltrúi - Bráðageðdeild 32C
 
SPENNANDI OG ÞROSKANDI STARF FYRIR ÁHUGASAMA

Um er að ræða 100% starf ráðgjafa/ stuðningsfulltrúa sem er laust frá 1.september 2017. Á bráðageðdeild er veitt sérhæfð þjónusta í meðferð og umönnun einstaklinga með bráð geðræn einkenni. Gagnreynd þekking, viðurkenndir verkferlar og hugmyndarfræði um geðgjörgæslu eru í fyrirrúmi. 

Á deildinni starfa um 50 starfsmenn í þverfaglegu teymi. Vinnuandinn einkennist af samvinnu, lipurð, stuðningi, metnaði og góðum liðsanda. Unnið er á breytilegum dag-, kvöld- og næturvöktum og aðra hverja helgi. 

Helstu verkefni og ábyrgð
» Virk þátttaka í hjúkrun og meðferð inniliggjandi sjúklinga
» Hjúkrun/umönnun fólks með bráð geðræn einkenni
» Virk þátttaka í varnarteymi geðsviðs og áhugi á öryggi sjúklinga og starfsmanna
» Þátttaka í þverfaglegu samstarfi
» Samskipti, hvatning, leiðbeiningar og víðtækur stuðningur
» Ýmis fjölþætt þátttaka í umbótastarfi

Hæfnikröfur
» Menntun sem nýtist í starfi, að lágmarki stúdentspróf
» Viðbótarmenntun eða reynsla af vinnu með einstaklingum með geðrænan vanda er æskileg
» Góð samstarfshæfni, færni í samskiptum, skapandi hugsun og frumkvæði í starfi
» Jákvætt hugarfar, metnaður og áhugi á að starfa í þverfaglegu teymi 
» Góð almenn tölvukunnátta og færni í mæltu og rituðu máli

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og SFR - stéttarfélag í almannaþjónustu hafa gert.
Sótt er um starfið rafrænt á; www.landspitali.is, undir "laus störf". Öllum umsóknum verður svarað. Tekið er mið af jafnréttisstefnu LSH við ráðningar á spítalanum. 

Umsókn fylgi náms- og starfsferilskrá ásamt afriti af prófskírteinum. Einnig skal geta tveggja umsagnaraðila.

Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 100%
Umsóknarfrestur er til og með 28.08.2017

Nánari upplýsingar veitir
Jóhanna Guðmunda Þórisdóttir - [email protected] - 543 4437/ 825 1507
Guðfinna Betty Hilmarsdóttir - [email protected] - 543 4430/ 824 6022

LSH Bráðageðdeild 32C
Hringbraut
101 Reykjavík


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira