Hoppa yfir valmynd
/

Sérfræðilæknir - Landspítali, svefnrannsóknadeild - Reykjavík - 201708/1271

 

Sérfræðilæknir í greiningu og meðferð svefnháðra sjúkdóma
 
Laust er til umsóknar starf sérfræðilæknis við nýstofnaða svefnrannsóknadeild Landspítala með möguleika á þátttöku í vaktþjónustu lungnadeildar. Starfið veitist frá 1. október 2017 eða eftir samkomulagi. 

Helstu verkefni og ábyrgð
» Vinna á legu- og göngudeild Landspítala
» Vinna við ráðgjöf í sjúkdómum sem tengjast svefni 
» Þátttaka í kennslu læknanema, kandídata og deildarlækna
» Þátttaka í rannsóknarstarfi

Hæfnikröfur
» Íslenskt sérfræðileyfi í lungnalækningum eða öðrum sérgreinum með sérþekkingu á viðfangsefnum svefnrannsókna
» Breið þekking og reynsla af klínísku starfi sem sérfræðingur
» Þekking á á svefnháðum öndunarfærasjúkdómum
» Góðir samskiptahæfileikar

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.
Fullt starf er bundið við sjúkrahúsið eingöngu sbr. grein 3.2.4 í kjarasamningi lækna og ríkisins 2015.
Sótt er um starfið rafrænt á; www.landspitali.is, undir "laus störf". Öllum umsóknum verður svarað. Tekið er mið af jafnréttisstefnu LSH við ráðningar á spítalanum.

Umsókn skulu fylgja vottfestar upplýsingar um nám, fyrri störf, reynslu af kennslu, vísindavinnu og stjórnunarstörfum ásamt sérprentun eða ljósriti af greinum sem umsækjandi kann að hafa birt eða skrifað. 

Ath. Mikilvægar leiðbeiningar til umsækjenda
www.landspitali.is/leidbeiningar/serfraedilæknir

Umsóknargögn sem ekki er hægt að senda rafrænt skulu berast LSH skrifstofu lyflækningasviðs E7 Fossvogi.

Mat stöðunefndar læknaráðs Landspítala byggist á innsendum umsóknargögnum. Viðtöl verða höfð við umsækjendur og byggist ákvörðun um ráðningu í starfið einnig á þeim.

Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

ATH. Fylla þarf út lágmarksupplýsingar í almenna umsókn og setja viðhengi, en ýtarlegri upplýsingar í umsókn fyrir læknisstöðu, sjá slóð hér fyrir neðan.

Umsókn um læknisstöðu - umsóknareyðublað Embættis landlæknis

Starfshlutfall er 100%
Umsóknarfrestur er til og með 04.09.2017

Nánari upplýsingar veitir
Hlíf Steingrímsdóttir - [email protected] - 543 1000
Þórarinn Gíslason - [email protected] - 543 1000

LSH Skrifstofa lyflækningasviðs
Fossvogi
108 Reykjavík


Smelltu hér til að sækja um starfið
 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira