Hoppa yfir valmynd
/

Hjúkrunarfræðingar - Landspítali, Barnaspítali Hringsins - Reykjavík - 201709/1464

 

Hjúkrunarfræðingar - Barnaspítali Hringsins
 
Hjúkrunarfræðingar óskast til starfa á barnadeild á Barnaspítala Hringsins. Deildin er 21 rúma legudeild, með breiðan skjólstæðingahóp barna frá fæðingu að 18 ára aldri og fjölskyldum þeirra. Unnið er í vaktavinnu og er starfshlutfall samkomulag. Boðið er upp á góða starfsaðlögun með reyndum hjúkrunarfræðingi. 

Barnaspítali Hringsins hefur forystu í heilbrigðisþjónustu við börn og unglinga á Íslandi. Þar er veitt fjölbreytileg heilbrigðisþjónusta sem krefst mikillar sérhæfingar. Á barnadeildinni er veitt sérhæfð læknis- og hjúkrunarþjónusta. Börn dvelja þar með ýmis heilbrigðisvandamál og sjúkdóma. Stefna deildarinnar er að veita faglega og fjölskyldumiðaða þjónustu þar sem öryggi, fagmennska og umhyggja er höfð að leiðarljósi.

Helstu verkefni og ábyrgð
» Ákveða, skipuleggja og veita hjúkrunarmeðferð
» Skráning hjúkrunar í samræmi við reglur Landspítala
» Fylgjast með nýjungum á sviði hjúkrunar
» Þátttaka í þverfaglegri teymisvinnu

Hæfnikröfur
» Faglegur metnaður í starfi
» Hæfni og geta til að starfa í teymi
» Góð samstarfs- og samskiptahæfni og jákvætt viðmót
» Íslenskt hjúkrunarleyfi

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Sótt er um starfið rafrænt á; www.landspitali.is, undir "laus störf". Öllum umsóknum verður svarað. Tekið er mið af jafnréttisstefnu LSH við ráðningar á spítalanum. 

Um er að ræða 3 stöðugildi. Umsókn fylgi náms- og starfsferilskrá ásamt afriti af prófskírteinum og starfsleyfi.

Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 60 - 100%
Umsóknarfrestur er til og með 02.10.2017

Nánari upplýsingar veitir
Jóhanna Lilja Hjörleifsdóttir - [email protected] - 543 3767/ 824 1202

LSH Barnadeild
Hringbraut
101 Reykjavík


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira