Verkefnisstjóri - Háskóli Íslands, vísinda- og nýsköpunarsvið - Reykjavík - 201710/1567


Verkefnisstjóri á vísinda- og nýsköpunarsviði Háskóla Íslands

Auglýst er laust til umsóknar 100% starf verkefnisstjóra á vísinda- og nýsköpunarsviði Háskóla Íslands. Um er að ræða framtíðarstarf.

Helstu verkefni:
• Umsjón með Rannsóknasjóði Háskóla Íslands
• Umsjón með doktorsstyrkjum
• Vinna með fagráðum
• Vinna með hugverkanefnd Háskóla Íslands
• Umsjón með hagnýtingarverðlaunum Háskóla Íslands
• Vinna með vísindanefnd háskólaráðs
• Almenn skrifstofustörf og önnur tilfallandi verkefni

Menntunar- og hæfniskröfur:
• Háskólapróf sem nýtist starfi
• Metnaður, frumkvæði, sjálfstæði og nákvæmni í vinnubrögðum
• Góð tölvukunnátta, sérstaklega excel færni
• Góð íslenskukunnátta og ritfærni er nauðsynleg
• Góð enskukunnátta
• Hæfni í mannlegum samskiptum, sveigjanleiki og rík þjónustulund
• Reynsla af störfum í háskólaumhverfi er kostur

Æskilegt er að viðkomandi geti hafið störf sem fyrst.

Laun eru samkvæmt kjarasamningi fjármálaráðherra og Félags háskólakennara.

Umsóknarfrestur er til og með 23. október 2017.

Sótt er um starfið hér: www.hi.is/laus_storf.
Umsóknum skal fylgja ferilskrá, bréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess, staðfest afrit af prófskírteinum og upplýsingar um umsagnaraðila.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknafrests.

Nánari upplýsingar um starfið veitir Halldór Jónsson, sviðsstjóri vísinda- og nýsköpunarsviðs ([email protected]).

Við ráðningar í störf við Háskóla Íslands er tekið mið af jafnréttisáætlun háskólans.

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn