Almennur læknir - Heilsugæslan Grafarvogi - Reykjavík - 201710/1590

 

Almennur læknir við Heilsugæsluna Grafarvogi

Við bjóðum velkominn til starfa almennan lækni í 80-100% starf frá 1.nóvember n.k. eða eftir nánara samkomulagi. Umsóknarfrestur er til og með 23.október 2017. 

Heilsugæsla Grafarvogs þjónar nú um 14 þúsund skjólstæðingum og hér vinna sérfræðingar í heimilislækningum ásamt sálfræðingi, félagsráðgjafa, hjúkrunarfræðingum, ljósmæðrum, riturum, hreyfistjóra og öðru starfsfólki. Við veitum alla almenna heilsugæsluþjónustu en nánari upplýsingar um starfsemi stöðvarinnar má finna á www.heilsugaeslan.is

Hjá okkur er hafin er innleiðing heildstæðrar teymisvinnu í sjúklingamóttöku sem byggir á náinni samvinnu fagstétta þar sem samfelld, persónuleg þjónusta við skjólstæðinga er höfð að leiðarljósi. Á stöðinni hefur verið leitast við að viðhalda þekkingu með öflugri fræðsludagskrá og ef með þarf starfsþjálfun í heimilislækningum. Starfið hentar því vel lækni með áhuga á sérnámi í heimilislækningum. 

Helstu verkefni og ábyrgð
Starfsvið læknis felst m.a. í almennum lækningum, heilsuvernd og vaktþjónustu ásamt þátttöku í teymisvinnu samstarfsfólks. Viðkomandi býðst einnig að taka þátt í faglegri þróun og mótun verklags. 

Hæfnikröfur
Þess er krafist að umsækjendur hafi almennt lækningaleyfi, að þeir búi yfir góðri skipulagshæfni, séu sjálfstæðir í starfi og viðhafi öguð vinnubrögð. Framúrskarandi hæfni í mannlegum samskiptum er skilyrði og reynsla af teymisvinnu er kostur. Góð íslensku kunnátta skilyrði. 

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.
Stéttarfélag er Læknafélag Íslands.

Umsókn skal fylgja ítarleg náms- og starfsferilskrá og kynningarbréf þar sem gerð er grein fyrir ástæðu umsóknar. Leggja skal fram staðfestar upplýsingar um menntun, fyrri störf og reynslu. Gögn sem ekki er hægt að senda rafrænt skulu berast Svövu Þorkelsdóttur, mannauðsstjóra Heilsugæslu höfuðborgarsvæðisins, Álfabakka 16, 109 Reykjavík. 

Viðtöl verða höfð við umsækjendur og byggist ákvörðun um ráðningu í starfið á þeim og innsendum gögnum.

Tekið er mið af jafnréttisstefnu Heilsugæslu höfuðborgarsvæðisins við ráðningu í starfið. Öllum umsóknum verður svarað þegar ákvörðun um ráðningu liggur fyrir. Umsókn getur gilt í 6 mánuði.

Starfshlutfall er 80 - 100%
Umsóknarfrestur er til og með 23.10.2017

Nánari upplýsingar veitir
Svava Kristín Þorkelsdóttir - [email protected] - 585-1300
Ragnar Logi Magnason - 585-7600

HH Grafarvogi lækningar
Spönginni 35
112 Reykjavík


Smelltu hér til að sækja um starfið

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn