Hjúkrunarfræðingur - Heilsugæslan Sólvangi - Hafnarfjörður - 201710/1588

 

Starf hjúkrunarfræðings við Heilsugæsluna Sólvangi

Hjúkrunarfræðingur óskast til starfa við Heilsugæsluna Sólvangi. Um er að ræða 60% tímabundið starf frá 1. nóvember 2017 til 31. ágúst 2018. Viðkomandi þarf að geta hafið störf frá og með 1. Nóvember 2017 eða eftir nánara samkomulagi.

Helstu verkefni og ábyrgð
Starfssviðið er heilsugæsluhjúkrun með megináherslu á skólaheilsugæslu en getur komið að öðrum þáttum heilsugæslunnar eins og almennri móttöku á heilsugæslustöð og ungbarnavernd. 

Skólahjúkrunarfræðingur sinnir reglubundnu heilbrigðiseftirliti nemenda og fræðslu. Auk þess sinnir hann öðrum viðfangsefnum sem upp kunna að koma í samstarfi við annað starfsfólk skólans og foreldra eftir þörfum hverju sinni.

Starfssvið í móttöku er mjög víðtækt, allt frá símaráðgjöf til bráðaþjónustu.

Hæfnikröfur
- Íslenskt hjúkrunarleyfi
- Reynsla af skóla- og/eða heilsugæsluhjúkrun æskileg
- Mikil samskiptahæfni og sveigjanleiki
- Faglegur metnaður og áhugi á að vinna með börnum
- Sjálfstæði í starfi
- Reynsla af og áhugi á teymisvinnu
- Góð íslensku- og enskukunnátta

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Umsókn skal fylgja ítarleg náms- og starfsferilsskrá. Jafnframt skal leggja fram staðfestar upplýsingar um menntun og staðfest afrit af opinberu starfsleyfi. 

Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast Svövu Þorkelsdóttur, mannauðsstjóra Heilsugæslu höfuðborgarsvæðisins, Álfabakka 16, 109 Reykjavík.

Öllum umsóknum verður svarað þegar ákvörðun um ráðningu hefur verið tekin. Tekið er mið af jafnréttisstefnu Heilsugæslu höfuðborgarsvæðisins við ráðningu í starfið. 

Starfshlutfall er 60%
Umsóknarfrestur er til og með 23.10.2017

Nánari upplýsingar veitir
Heiða Sigríður Davíðsdóttir - [email protected] - 550-2600

HH Sólvangi hjúkrun
Sólvangsvegi 2-3
220 Hafnarfjörður


Smelltu hér til að sækja um starfið

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn