Sálfræðingur - Barnaverndarstofa, Stuðlar - Reykjavík - 201710/1594

 




Tímabundin staða sálfræðings við meðferðarstöð ríkisins fyrir unglinga
að Stuðlum er laus til umsóknar


Laust er til umsóknar starf sálfræðings á Stuðlum. Um tímabundna stöðu til eins árs er að ræða. Starfshlutfall er 100%. Stuðlar starfa á grundvelli barnaverndarlaga og reglugerðar um Meðferðarstöð ríkisins. Stuðlar sinna unglingum á aldrinum 12-18 ára með hegðunarerfiðleika, þ.m.t. vímuefnavanda. 

Starfssvið
Meðal verkefna sálfræðings er:
Greining og meðferð unglinga og vinna með fjölskyldum þeirra.
Gerð og framkvæmd meðferðaráætlana.
Ráðgjöf og stuðningur við barnaverndarnefndir og skóla sem og samvinna við ýmsar aðrar stofnanir.
Ráðgjöf og handleiðsla við starfsfólk Stuðla sem og við aðrar meðferðarstofnanir.
Þátttaka í almennri stefnumótun.
Þátttaka í ART (agression replacement training) og notkun áhugahvetjandi samtals (motivational interviewing).

Persónulegir eiginleikar
Lögð er áhersla á persónulega eiginleika, svo sem góða samstarfshæfni og jákvæð viðhorf til skjólstæðinga.

Hæfnikröfur:
Réttindi til að starfa sem sálfræðingur.
Þekking og reynsla á meðferð og greiningu unglinga er æskileg.
Þekking og færni í hugrænni atferlismeðferð, fjölskyldumeðferð, atferlismótun og félagsnámskenningum.
Frumkvæði í starfi og skipulagshæfileikar.
Viðkomandi þarf að geta unnið sjálfstætt og í teymi.

Nánari upplýsingar veitir Funi Sigurðsson, forstöðumaður Stuðla í síma 530-8800 eða á netfanginu [email protected].

Við úrvinnslu umsókna gildir mat forstöðumanns Stuðla á hæfni og eiginleikum umsækjanda. Launakjör eru samkvæmt kjarasamningi ríkisins við Sálfræðingafélag Íslands. Umsóknir skulu berast til Barnaverndarstofu, Borgartúni 21, 105 Reykjavík eða á netfangið [email protected]. Umsóknarfrestur er til og með 23. október 2017 og þarf umsækjandi helst að geta hafið störf sem fyrst. Öllum umsóknum verður svarað þegar ákvörðun um ráðningu hefur verið tekin. Auglýsingin gildir í 6 mánuði frá birtingu. 

Stuðlar, meðferðarstöð fyrir unglinga
Fossaleynir 17 (Grafarvogi), 112 Reykjavík
www.studlar.is 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn