Sjúkraþjálfari - Heilbrigðisstofnun Vesturlands - Stykkishólmur - 201710/1581

 

Háls- og bakdeild, St.Franciskusspítala, HVE Stykkishólmi óskar eftir að ráða sjúkraþjálfara til starfa. 

Meðferð á Háls- og bakdeild hefur verið í stöðugri þróun frá 1991 samhliða nýrri þekkingu. Deildin fylgist vel með rannsóknum sem unnar eru á breiðu sviði sem lítur að verkjum frá hryggsúlu og öllu þeim tengdum. Um er að ræða 13 rúma legudeild fyrir sjúklinga með verki frá hálsi og/eða baki og þjónar hún öllum landsmönnum. Núverandi starfsemi gengur út á einstaklingsmiðað meðferðarprógramm sem stendur í tvær vikur. Sérhæfð verkjameðferð fer fram á deildinni, m.a. lágmarksinngrip s.s. sprautur í bogaliði, mænugang, spjaldliði og inn að taugarótum, allt gert í gegnumlýsingu.

Gæðakannanir deildarinnar sýna góðan árangur bæði hvað varðar verkjaminnkun, starfs- og athafnagetu og er árangur hennar vel þekktur meðal okkar færustu sérfræðinga. Allir sjúklingar koma á tilvísun til skoðunar og mats fyrir innlögn. Einnig er á spítalanum sjúkradeild og hjúkrunarrými, sem sjúkraþjálfarar sinna eftir þörfum sem og göngudeild. Aðstaða til sjúkraþjálfunar og almennrar endurhæfingar er góð. Deildin er vel mönnuð sjúkraþjálfurum með breiða þekkingu á sviði endurhæfingar auk sérþekkingar og þjálfunar í greiningu og meðferð stoðkerfisvandamála. 
Háls- og bakdeildina á að efla og þróa áfram því leitum við nú eftir áhugasömum, kraftmiklum, einstaklingi sem hefur áhuga á verkjum frá hryggsúlu og öðrum stoðkerfisverkjum, vill efla sig í starfi á þeim sviðum og hafa áhrif á framtíðarstefnumótun deildarinnar í samstarfi við fagteymi hennar. 

Hæfniskröfur 
Íslenskt starfsleyfi sjúkraþjálfara. 
Áhugi á stoðkerfis- og verkjameðferð
Góð samskiptahæfni
Sjálfstæði í vinnubrögðum 
Áhugi á teymisvinnu er æskilegur.

Starfshlutfall er 100%

Umsóknarfrestur er til 15.nóvember 2017.

Við ráðningar í störf hjá HVE er ávallt tekið mið af jafnréttisstefnu stofnunarinnar.
Laun eru samkvæmt gildandi kjarasamningi sem fjármála- og efnahagsráðherra og Félags sjúkraþjálfara hafa gert. Nánari upplýsingar um starfið og starfsemi deildarinnar veitir Hrefna Frímannsdóttir, yfirsjúkraþjálfari og faglegur ábyrgðaraðili Háls-og bakdeildar: [email protected].

Stykkishólmur er fallegt bæjarstæði við Breiðarfjörð, með um 1200 íbúum blómlegu mannlífi og háu þjónustustigi. Auk  grunnskóla er af bæjarfélaginu rekinn tónlistarskóli og leikskóli sem tekur að öllu jöfnu við 12 mánaða gömlum börnum og eru allar stofnanirnar vel mannaðar fagfólki. Fjölbrautarskóli Snæfellinga er starfræktur í Grundarfirði af sveitarfélögunum á Snæfellsnesi og gefst nemendum kostur á skólaakstri.

Umsókn ásamt upplýsingum um nám og starfsferil sendist til Þóris Bergmundssonar framkvæmdastjóra lækninga og rekstrar: [email protected].

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn