Forstjóri - Framkvæmdasýsla ríkisins - Reykjavík - 201710/1579

Forstjóri Framkvæmdasýslu ríkisins

Hlutverk Framkvæmdasýslu ríkisins er að vera leiðandi á sviði opinberra framkvæmda með það að markmiði að bæta verklag og auka skilvirkni, hagkvæmni og gæði við framkvæmdir ríkisins.
Framkvæmdasýslan veitir ráðuneytum og ríkisstofnunum ráðgjöf um byggingatæknileg málefni og undirbúning framkvæmda á vegum ríkisins.
Hún fer með yfirstjórn verklegra framkvæmda, sbr. lög nr. 84/2001, um skipan opinberra framkvæmda og reglugerðar nr. 715/2001, um skipulag opinberra framkvæmda.

Nánari upplýsingar um stofnunina má finna á www.fsr.is

Laust er til umsóknar embætti forstjóra Framkvæmdasýslu ríkisins. Um er að ræða fjölbreytt og krefjandi starf fyrir stjórnanda með góða samskiptahæfni, frumkvæði, sjálfstæði og viðeigandi faglegan bakgrunn.

Starfssvið:
Ábyrgð á daglegum rekstri og starfsemi stofnunarinnar
Stefnumótun og áætlanagerð
Samskipti við stjórnvöld og hagsmunaaðila
Stjórnun mannauðs 
Erlend samskipti

Menntunar- og hæfniskröfur:
Haldgóð reynsla af stjórnun 
Háskólapróf á meistarastigi eða samsvarandi sem nýtist í starfi er skilyrði
Fagleg þekking og reynsla af verklegum framkvæmdum
Reynsla af stefnumótunarvinnu og breytingastjórnun
Þekking á opinberri stjórnsýslu er æskileg
Leiðtogahæfileikar og geta til að hvetja aðra til árangurs
Framúrskarandi samskiptahæfni og uppbyggilegt viðmót
Frumkvæði og metnaður til að sýna árangur og kraftur til að hrinda verkum í framkvæmd
Hæfni til tjáningar í ræðu og riti á íslensku og ensku

Launakjör eru samkvæmt ákvörðun kjararáðs þar til breyting laga tekur gildi um áramót (sbr. 39.gr.laga nr.70/1996). Fjármála- og efnahagsráðherra skipar  í embættið til fimm ára í senn. 

Nánari upplýsingar veita Ari Eyberg (ari@intellecta) og Þórður S. Óskarsson (thordur@intellecta) í síma 511 1225. Umsóknarfrestur er til og með 23. október 2017. Umsókn óskast fyllt út á www.intellecta.is og henni þarf að fylgja ítarleg starfsferilskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfi. Öllum umsóknum verður svarað þegar ákvörðun hefur verið tekin um skipan í embættið.

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn