Kennari í efnafræði/líffræði - Menntaskólinn á Akureyri - Akureyri - 201710/1598


Menntaskólinn á Akureyri auglýsir eftir kennara í fullt starf í efnafræði/líffræði.

Umsækjendur þurfa að hafa háskólamenntun í viðkomandi grein og kennsluréttindi. 

Leitað er að einstaklingum sem eru skapandi í starfi, færir í samskiptum, sýna frumkvæði og eru tilbúnir til að taka þátt í þróun kennslu og náms samkvæmt skólasýn MA. 
Umsækjendur þurfa að hafa hreint sakavottorð skv. 4. mgr. 8. gr. laga framhaldsskóla nr.92/2008 og þarf nýtt sakavottorð að fylgja umsókn.  

Laun greiðast samkvæmt gildandi kjarasamningi Kennarasambands Íslands og fjármálaráðherra og stofnanasamningi skólans. Ráðið verður í stöðuna frá 4. janúar 2018.

Skriflegar umsóknir, ásamt prófskírteinum og upplýsingum um nám og fyrri störf skulu berast Menntaskólanum á Akureyri á netfangið [email protected] í síðasta lagi 23. október 2017. Ekki er um sérstök umsóknareyðublöð að ræða. Öllum umsóknum verður svarað þegar ákvörðun um ráðningu hefur verið tekin.

MA er framsækinn menntaskóli með langa sögu og býr nemendur undir nám í háskóla og líf og starf í lýðræðisþjóðfélagi í sífelldri þróun.  Skólinn  starfar undir kjörorðunum  virðing – víðsýni – árangur. Í MA er öflugt þróunarstarf og  góður starfsandi.  
Ef þú vilt  takast á við krefjandi kennarastarf í metnaðarfullum skóla er tækifærið hér.  Frekari upplýsingar veita Jón Már Héðinsson skólameistari og Sigurlaug Anna Gunnarsdóttir aðstoðarskólameistari, sími: 4551555,  netfang [email protected].


Menntaskólanum á Akureyri, 
Jón Már Héðinsson
                                                                      Skólameistari MA



Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn