Aðstoðardeildarstjóri - Landspítali, öldrunardeild Vífilsstöðum - Garðabær - 201710/1555

 

Aðstoðardeildarstjóri - Öldrunardeild á Vífilsstöðum
 
Laust er til umsóknar starf aðstoðardeildarstjóra á öldrunardeild á Vífilsstöðum. Við viljum ráða framsækinn og metnaðarfullan hjúkrunarfræðing með brennandi áhuga á hjúkrun aldraðra, stjórnun ásamt gæða- og umbótastarfi. Starfið er laust 1. nóvember 2017 eða eftir nánara samkomulagi.

Á deildinni starfa tæplega 100 manns í þverfaglegu teymi. Hjúkrunardeildin er 42 rúma og er hluti af Landspítala. Skjólstæðingarnir þar hafa gilt færni- og heilsumat og eru að bíða eftir vist á hjúkrunarheimili. 

Lögð er áhersla á jákvætt framlag sérhvers einstaklings, þátttöku og samvinnu í daglegum störfum deildarinnar. Við tökum vel á móti nýjum starfsmönnum og veitum góða aðlögun. Áhugasamir hafið samband við Ingibjörgu Tómasdóttur, deildarstjóra.

Helstu verkefni og ábyrgð
» Er nánasti samstarfsmaður deildarstjóra og vinnur að skipulagningu á starfsemi deildar í samráði við hann
» Ábyrgð á rekstri og mönnun deildar í fjarveru hjúkrunardeildarstjóra
» Er leiðandi í klínísku starfi og framþróun hjúkrunar og umbóta á deildinni
» Vinnur náið með hjúkrunardeildarstjóra að mótun liðsheildar
» Sérstök ábyrgð á tilteknum verkefnum sem honum eru falin

Hæfnikröfur
» Starfsreynsla í hjúkrun
» Jákvætt viðmót og framúrskarandi samskiptahæfni
» Frumkvæði, skipulögð vinnubrögð og faglegur metnaður til að ná árangri
» Leiðtogahæfni
» Þekking á verkefnastjórnun og umbótastarfi
» Góð íslenskukunnátta
» Íslenskt hjúkrunarleyfi

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Sótt er um starfið rafrænt á; www.landspitali.is, undir "laus störf". Öllum umsóknum verður svarað. Tekið er mið af jafnréttisstefnu LSH við ráðningar á spítalanum. 

Umsókn fylgi náms- og starfsferilskrá ásamt afriti af prófskírteinum og starfsleyfi. 

Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 80 - 100%
Umsóknarfrestur er til og með 23.10.2017

Nánari upplýsingar veitir
Ingibjörg Tómasdóttir - iingibjo@landspitali.is - 824 5769
Bára Benediktsdóttir - baraben@landspitali.is - 824 5909


LSH Öldrunardeild H
Vífilsstöðum
210 Garðabær


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn