Deildarlæknir - Landspítali, Barnaspítali Hringsins - Reykjavík - 201710/1562

 

Deildarlæknir - Barnaspítali Hringsins 
 
Barnaspítali Hringsins auglýsir laust til umsóknar starf deildarlæknis. Ráðið er í starfið til 6 mánaða frá 1. ágúst 2018 eða eftir samkomulagi. Starfshlutfall er 100% og er unnið í dagvinnu og á staðarvöktum. Deildarlæknar starfa á deildum Barnaspítala Hringsins þ. á m. bráðamóttöku, legudeild og Vökudeild.

Á Barnaspítalanum er veitt fjölbreytt þjónusta sem krefst mikillar sérþekkingar og samvinnu fagfólks. Sjá nánar á heimasíðu www.barnaspitali.is

Helstu verkefni og ábyrgð
» Þjálfun í barnalækningum með þátttöku í klínísku starfi
» Kennsla og handleiðsla kandídata og læknanema
» Þátttaka í vísindavinnu og/eða gerð klínískra leiðbeininga er æskileg

Hæfnikröfur
» Hafa lokið kandídatsári og hafa almennt lækningaleyfi 
» Góð færni í mannlegum samskiptum og skipulögð vinnubrögð
» Faglegur metnaður og samviskusemi

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.
Sótt er um starfið rafrænt á; www.landspitali.is, undir "laus störf". Öllum umsóknum verður svarað. Tekið er mið af jafnréttisstefnu LSH við ráðningar á spítalanum.

Umsókn fylgi náms- og starfsferilskrá auk upplýsinga um ástæður umsóknar ("Letter of motivation"). 
Viðtöl verða höfð við umsækjendur og byggist ákvörðun um ráðningu í starfið á þeim og innsendum gögnum.

Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 100%
Umsóknarfrestur er til og með 23.10.2017

Nánari upplýsingar veitir
Þórður Þórkelsson - [email protected] - 825 5094

LSH Deildarlæknar BH
Hringbraut
101 Reykjavík

Smelltu hér til að sækja um starfið
 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn