Deildarlæknir - Landspítali, augnlækningar - Reykjavík - 201710/1568

 

Deildarlæknir - Hefur þú augastað á augnlækningum?
 
Við sækjumst eftir deildarlækni sem hefur áhuga á sérfræðinámi í augnlækningum. Starfshlutfall er 100% og er starfið laust í nóvember 2017 til 6-24 mánaða eða eftir samkomulagi. Starfið hentar einnig fyrir lækna í sérnámi í heilsugæslu, tauga- eða bráðalækningum sem vilja kynna sér augnlækningar í tengslum við sitt sérnám. Hlutastarf kemur til greina.

Við augnlækningar starfar öflugur hópur sérfræðilækna og deildarlækna í þverfaglegu teymi og í nánu samstarfi við aðrar fagstéttir. Áhersla er lögð á góða þjónustu, virka teymisvinnu og stöðugar umbætur í þágu sjúklinga. Við tökum vel á móti nýjum starfsmönnum og veitum góða aðlögun.

Helstu verkefni og ábyrgð
» Þjálfun í augnlækningum með þátttöku í klínísku starfi á göngu- og legudeild augndeildar auk bakvakta
» Vinna við ráðgjöf undir umsjón sérfræðilækna
» Kennsla kandídata, læknanema og annarra fagstétta heilbrigðisstarfsmanna, eftir því sem við á
» Þátttaka í vísindastarfi, þróunar- og gæðaverkefnum

Hæfnikröfur

» Góð færni í mannlegum samskiptum
» Öguð vinnubrögð
» Íslenskukunnátta
» Almennt lækningaleyfi

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.
Sótt er um starfið rafrænt á; www.landspitali.is, undir "laus störf". Öllum umsóknum verður svarað. Tekið er mið af jafnréttisstefnu LSH við ráðningar á spítalanum.

Umsókn fylgi náms- og starfsferilskrá ásamt afriti af prófskírteinum og starfsleyfi.
Viðtöl verða höfð við umsækjendur og byggist ákvörðun um ráðningu í starfið á þeim og innsendum gögnum. 

Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 100%
Umsóknarfrestur er til og með 23.10.2017

Nánari upplýsingar veitir
Gunnar Már Zoéga - gunnarmz@landspitali.is - 825 5015
Jóhann Ragnar Guðmundsson - johannrg@landspitali.is - 823 7874

LSH Aðstoðar- og deildarlæknar SKU
Hringbraut
101 Reykjavík


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn