Heilbrigðisritari/skrifstofumaður - Landspítali, hjarta- og æðaþræðingastofu - Reykjavík - 201710/1570

 

Heilbrigðisritari/ skrifstofumaður
 
Heilbrigðisritari/ skrifstofumaður óskast til starfa á hjarta- og æðaþræðingastofu við Hringbraut. Unnið er í dagvinnu og felur starfið í sér mikil samskipti og fjölbreytt, krefjandi verkefni.

Á hjarta- og æðaþræðingarstofu á lyflækningasviði starfar um 10 manna samhent teymi reyndra starfsmanna í nánu samstarfi við aðrar deildir spítalans. Þar eru gerðar hjartaþræðingar, kransæðavíkkanir, gangráðsísetningar, raflífeðlisfræðilegar rannsóknir/ aðgerðir og fleira sem tengist hjartasjúkdómum. 

Helstu verkefni og ábyrgð
Innritun sjúklinga, umsýsla og frágangur sjúkragagna, tímabókanir, símsvörun, vörumóttaka og pantanir. Auk þess ýmis sérhæfð störf á deildinni. 

Hæfnikröfur
» Góð tölvufærni 
» Jákvætt viðmót og samskiptahæfni
» Skipulögð og sjálfstæð vinnubrögð
» Heilbrigðisritaranám, stúdentspróf eða annað sambærilegt nám

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og SFR - stéttarfélag í almannaþjónustu hafa gert.
Sótt er um starfið rafrænt á; www.landspitali.is, undir "laus störf". Öllum umsóknum verður svarað. Tekið er mið af jafnréttisstefnu LSH við ráðningar á spítalanum.

Starfið er laust frá 1. nóvember 2017 eða samkvæmt samkomulagi. Umsókn fylgi náms- og starfsferilskrá.

Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 100%
Umsóknarfrestur er til og með 23.10.2017

Nánari upplýsingar veitir
Edda Traustadóttir - [email protected] - 824 6034
Þórdís Ágústa Ingólfsdóttir - [email protected] - 824 5480

LSH Hjarta- og æðaþræðingastofur
Hringbraut
101 Reykjavík


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn