Sérfræðilæknir - Landspítali, nýrnalækningar - Reykjavík - 201710/1563

 

Sérfræðilæknir í nýrnalækningum
 
Starf sérfræðilæknis í nýrnalækningum er laust til umsóknar. Starfshlutfall er 100% og veitist starfið frá 1. janúar 2018 eða eftir samkomulagi. Við nýrnalækningar starfar öflugur hópur sérfræðilækna í samvinnu við aðra faghópa að málefnum fólks með nýrnasjúkdóma. 

Leitað er eftir jákvæðum og metnaðarfullum sérfræðilækni til að annast sérhæfða meðferð og eftirfylgd við sjúklinga okkar.

Helstu verkefni og ábyrgð
» Vinna á legudeildum, göngudeild nýrnalækninga og skilunardeild
» Vinna við ráðgjöf nýrnalækninga 
» Þátttaka í vaktþjónustu nýrnalækninga
» Þátttaka í viðfangsefnum sem tengjast almennum lyflækningum í samráði við yfirlækni nýrnalækninga
» Þátttaka í kennslu og vísindastarfi 

Hæfnikröfur
» Breið þekking og reynsla í nýrnalækningum, þ.á.m. á helstu skilunaraðferðum og meðferð sjúklinga með ígrætt nýra
» Reynsla af kennslustörfum
» Góðir samskiptahæfileikar
» Íslenskt sérfræðileyfi í lyflækningum með nýrnalækningar sem undirsérgrein

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.
Fullt starf er bundið við sjúkrahúsið eingöngu sbr. grein 3.2.4 í kjarasamningi lækna og ríkisins 2015. Sótt er um starfið rafrænt á; www.landspitali.is, undir "laus störf". Öllum umsóknum verður svarað. Tekið er mið af jafnréttisstefnu LSH við ráðningar á spítalanum.

Umsókn skulu fylgja vottfestar upplýsingar um nám, fyrri störf, reynslu af kennslu, vísindavinnu og stjórnunarstörfum ásamt sérprentun (rafræn skjöl) af greinum sem umsækjandi kann að hafa birt eða skrifað. Mat stöðunefndar læknaráðs Landspítala byggist á innsendum umsóknargögnum. Viðtöl verða við umsækjendur og byggir ákvörðun um ráðningu í starfið einnig á þeim.

Mikilvægar leiðbeiningar til umsækjenda
www.landspitali.is/leidbeiningar/serfraedilæknir

Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

ATH. Fylla þarf út lágmarksupplýsingar í almenna umsókn og setja viðhengi, en ítarlegri upplýsingar fyllist út í umsókn fyrir læknastöðu, sjá slóð hér fyrir neðan:

Umsókn um læknisstöðu - umsóknareyðublað Embættis landlæknis

Starfshlutfall er 100%
Umsóknarfrestur er til og með 30.10.2017

Nánari upplýsingar veitir
Margrét Birna Andrésdóttir - [email protected] - 825 5053

LSH Nýrnalækningar
Hringbraut
101 Reykjavík


Smelltu hér til að sækja um starfið
 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn