Sjúkraliði - Landspítali, hjúkrunardeild - Vífilsstöðum - Garðabær - 201710/1557

 

Sjúkraliði á hjúkrunardeild á Vífilsstöðum
 
Viltu vinna við fjölbreytta lyflæknishjúkrun og efla þig í starfi? 
Við óskum eftir öflugum sjúkraliða til starfa á Vífilsstöðum. Gott tækifæri gefst til að öðlast góða starfsreynslu þar sem reynir á hæfni að veita framúrskarandi lyflæknishjúkrun og þjálfa m.a. sjálfstæði, frumkvæði og yfirsýn í starfi. Unnið er á morgun-, kvöld- og helgarvöktum.

Á deildinni starfa tæplega 100 manns í þverfaglegu teymi. Hjúkrunardeildin er 42 rúma og er hluti af Landspítala. Skjólstæðingarnir þar hafa gilt færni- og heilsumat og eru að bíða eftir vist á hjúkrunarheimili. 

Lögð er áhersla á jákvætt framlag sérhvers einstaklings, þátttöku og samvinnu í daglegum störfum deildarinnar. Við tökum vel á móti nýjum starfsmönnum og veitum góða aðlögun. Áhugasamir hafið samband við Ingibjörgu, deildarstjóra.

Helstu verkefni og ábyrgð
» Umönnun einstaklinga í samvinnu við aðra fagaðila
» Virk þátttaka í fjölskylduhjúkrun

Hæfnikröfur
» Jákvætt viðhorf, frumkvæði og samskiptahæfileikar
» Áhugi á hjúkrun aldraðra
» Sjálfstæði í vinnubrögðum
» Góð íslenskukunnátta
» Íslenskt sjúkraliðaleyfi

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Sjúkraliðafélag Íslands hafa gert.
Sótt er um starfið rafrænt á; www.landspitali.is, undir "laus störf". Öllum umsóknum verður svarað. Tekið er mið af jafnréttisstefnu LSH við ráðningar á spítalanum. 

Um er að ræða 2 stöðugildi og er starfshlutfall samkomulagsatriði. Störfin laus nú þegar eða eftir samkomulagi.
Umsókn fylgi náms- og starfsferilskrá ásamt afriti af prófskírteinum og starfsleyfi.

Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 50 - 100%
Umsóknarfrestur er til og með 23.10.2017

Nánari upplýsingar veitir
Ingibjörg Björgvinsdóttir - [email protected] - 824 5769
Bára Benediktsdóttir - [email protected] - 824 5909

LSH Öldrunardeild H
Vífilsstöðum
210 Garðabær


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn