Sjúkraliði - Landspítali, öldrunarlækningadeild - Reykjavík - 201710/1587

 

Sjúkraliði á öldrunarlækningadeild

Við leitum eftir áhugasömum sjúkraliða til starfa á öldrunarlækningadeild K-1 Landakoti. Upphaf starfs og starfshlutfall er samkomulag. Í boði er skemmtilegt starf fyrir þann sem vill taka þátt í meðferð og endurhæfingu aldraðra þar sem markmiðið er að auka lífsgæði og færni til athafna daglegs lífs. 

Við leggjum áherslu á góða umönnun og umhyggju í rólegu umhverfi þar sem þjónusta við sjúklinga og fjölskyldu byggir á þekkingu og fjölfaglegri nálgun. Lögð er áhersla á að taka vel á móti nýju fólki og veita góða einstaklingshæfða aðlögun.

Helstu verkefni og ábyrgð
» Almenn og sérhæfð umönnun 
» Þátttaka í endurhæfingu sjúklinga
» Þátttaka í teymisvinnu

Hæfnikröfur
» Jákvætt viðhorf og góðir samskiptahæfileikar
» Faglegur metnaður og frumkvæði í starfi
» Hæfni og geta til að starfa í teymi
» Íslenskt sjúkraliðaleyfi

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Sjúkraliðafélag Íslands hafa gert.
Sótt er um starfið rafrænt á; www.landspitali.is, undir "laus störf". Öllum umsóknum verður svarað þegar ákvörðun um ráðningu hefur verið tekin. Tekið er mið af jafnréttisstefnu LSH við ráðningar á spítalanum.

Um er að ræða 2 stöðugildi. Umsókn fylgi náms- og starfsferilskrá ásamt afriti af prófskírteinum og starfsleyfi.

Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 50 - 100%
Umsóknarfrestur er til og með 23.10.2017

Nánari upplýsingar veitir
Borghildur Árnadóttir - [email protected] - 543 9914
Bára Benediktsdóttir - [email protected] - 824 5909


LSH Öldrunarlækningadeild A
v/Túngötu
101 Reykjavík


Smelltu hér til að sækja um starfið


Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn