Almennur læknir - Heilsugæslan á Seltjarnarnesi og Vesturbæ - Seltjarnarnes - 201710/1615

 

Almennur læknir við Heilsugæsluna á Seltjarnarnesi og Vesturbæ
 
Laust er til umsóknar tímabundin staða almenns læknis við Heilsugæsluna á Seltjarnarnesi og Vesturbæ frá 1. janúar 2018 eða eftir nánara samkomulagi. Ráðið verður til eins árs með möguleika á áframhaldandi vinnu að þeim tíma loknum ef aðstæður leyfa.

Heilsugæslan Seltjarnarnesi og Vesturbæ er hverfisstöð og er fyrst og fremst ætlað að þjóna íbúum á Seltjarnarnesi og Reykvíkingum í Vesturbæ sunnan Hringbrautar, þar með talið íbúum háskólahverfis og Skerjafjarðar. 

Á heilsugæslustöðinni eru starfandi sérfræðingar í heimilislækningum ásamt hjúkrunarfræðingum, ljósmæðrum sálfræðingi, hreyfistjóra og riturum. Til að mæta nýjum áskorunum í heilsugæslu er fyrirhugað að þróa áfram þverfaglega samvinnu innan stöðvarinnar og vinna að gæðaverkefnum. Því er um er að ræða spennandi vettvang fyrir lækni sem hefur áhuga á nýsköpun og framþróun í heilsugæslu. Nánari upplýsingar um starfsemi stöðvarinnar má finna á vef Heilsugæslunnar (www.heilsugaeslan.is). 

Helstu verkefni og ábyrgð

Starfssvið læknis á heilsugæslu er m.a.:
- Almennar lækningar
- Heilsuvernd
- Vaktþjónusta
- Þjálfun unglækna
- Þverfagleg teymisvinna
- Þátttaka í þróun starfseminnar og gæðastarfi

Hæfnikröfur
Fullgild læknaréttindi er skilyrði. Mikilvægt er að viðkomandi hafi reynslu af klínískum kennslustörfum og teymisvinnu, ásamt því að búa yfir hæfni í mannlegum samskiptum. Sjálfstæði í starfi, skipulagshæfni og öguð vinnubrögð eru skilyrði. Íslenskukunnátta skilyrði.

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands heilsugæslulæknar hafa gert.
Umsókn skal fylgja ítarleg náms- og starfsferilskrá. Jafnframt skal leggja fram staðfestar upplýsingar um læknismenntun, læknisstörf, vísinda- og rannsóknarstörf. 

Í boði er handleiðsla og kennsla innan stöðvar sem nýtast svo ef viðkomandi hyggur á sérnám í heilsugæslulækningum.

Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast Svövu Þorkelsdóttur, mannauðsstjóra Heilsugæslu höfuðborgarsvæðisins, Álfabakka 16, 109 Reykjavík. 

Öllum umsóknum verður svarað þegar ákvörðun um ráðningu hefur verið tekin. Umsókn getur gilt í 6 mánuði.

Starfshlutfall er 100%
Umsóknarfrestur er til og með 31.10.2017

Nánari upplýsingar veitir
Emilía Petra Jóhannsdóttir - [email protected] - 513 2100
Einar Þór Þórarinsson - [email protected] - 513 2100

HH Seltjarnarnesi lækningar
Suðurströnd
170 Seltjarnarnes

 

Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn