Heilbrigðisritari/skrifstofumaður - Landspítali, öldrunarlækningadeild Landakoti - Reykjavík - 201710/1611

 

Heilbrigðisritari/ skrifstofumaður óskast á K-1 Landakoti
 
Laust er til umsóknar starf heilbrigðisritara/ skrifstofumanns á öldrunarlækningadeild K-1 Landakoti. Starfið felur í sér mikil samskipti og fjölbreytt og krefjandi verkefni, unnið er í dagvinnu, virka daga. 

Deildin er 20 rúma meðferðar- og endurhæfingardeild fyrir lungna- og hjartasjúklinga auk almennrar endurhæfingar aldraðra. Á deildinni starfa um 30 manns og leggjum við áherslu á náið samstarf fagstétta og teymisvinnu. 
Við tökum vel á móti nýjum starfsmönnum og veitum góða aðlögun. Velkomið að kíkja í heimsókn, áhugasamir hafi samband við Borghildi deildarstjóra.

Helstu verkefni og ábyrgð
» Almenn og sérhæfð ritarastörf á deild s.s. símsvörun, upplýsingagjöf, útvegun og frágangur gagna og gagnavinnsla í tölvukerfi LSH
» Ýmis verkefni í samstarfi við stjórnendur

Hæfnikröfur
» Heilbrigðisritaranám, stúdentspróf eða annað sambærilegt nám
» Góð hæfni í mannlegum samskiptum
» Tölvufærni og skipulögð vinnubrögð

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og SFR - stéttarfélag í almannaþjónustu hafa gert.
Sótt er um starfið rafrænt á; www.landspitali.is, undir "laus störf". Öllum umsóknum verður svarað þegar ákvörðun um ráðningu hefur verið tekin. Tekið er mið af jafnréttisstefnu LSH við ráðningar á spítalanum. 

Starfið er laust frá 15. nóvember 2017 eða eftir samkomulagi. Umsókn fylgi náms- og starfsferilskrá.

Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 80%
Umsóknarfrestur er til og með 30.10.2017

Nánari upplýsingar veitir
Borghildur Árnadóttir - [email protected] - 543 9914
Bára Benediktsdóttir - [email protected] - 824 5909

LSH Öldrunarlækningadeild A
v/Túngötu
101 Reykjavík


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn