Hjúkrunarfræðingur - Landspítali, Barnaspítali Hringsins - Reykjavík - 201710/1610

 

Hjúkrunarfræðingur - Fjölbreytt starf á dagdeild barna 23E 
 
Hjúkrunarfræðingur óskast til starfa á dagdeild barna 23E á Barnaspítala Hringsins. Deildin er opin frá kl. 07-17, unnið er 8 tíma vöktum, virka daga. Boðið er upp á góða starfsaðlögun með reyndum hjúkrunarfræðingi. 

Á dagdeildinni er veitt sérhæfð hjúkrunar- og læknisþjónusta fyrir breiðan skjólstæðingahóp barna frá fæðingu að 18 ára aldri og fjölskyldur þeirra. Stefna deildarinnar er að veita faglega og fjölskyldumiðaða þjónustu þar sem öryggi, fagmennska og umhyggja er höfð að leiðarljósi.

Barnaspítali Hringsins hefur forystu í heilbrigðisþjónustu við börn og unglinga á Íslandi. Þar er veitt fjölbreytileg heilbrigðisþjónusta sem krefst mikillar sérhæfingar.

Helstu verkefni og ábyrgð
» Veita sérhæfða barnahjúkrun
» Ákveða, skipuleggja og veita hjúkrunarmeðferð
» Skrá hjúkrun í samræmi við reglur LSH
» Fylgjast með nýjungum í faginu
» Þátttaka í þverfaglegri teymisvinnu

Hæfnikröfur
» Faglegur metnaður í starfi og áhugi á barnahjúkrun
» A.m.k. 2ja ára starfsreynsla
» Hæfni og geta til að starfa í teymi
» Góð samstarfs- og samskiptahæfni og jákvætt viðmót
» Íslenskt hjúkrunarleyfi

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Sótt er um starfið rafrænt á; www.landspitali.is, undir "laus störf". Öllum umsóknum verður svarað. Tekið er mið af jafnréttisstefnu LSH við ráðningar á spítalanum. 

Starfið laust 15. nóvember 2017 eða eftir nánara samkomulagi. Umsókn fylgi náms- og starfsferilskrá ásamt afriti af prófskírteinum og starfsleyfi.

Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 80%
Umsóknarfrestur er til og með 30.10.2017

Nánari upplýsingar veitir
Jóhanna Lilja Hjörleifsdóttir - [email protected] - 824 1202

LSH Dagdeild BH
Hringbraut
101 Reykjavík

Smelltu hér til að sækja um starfið
 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn