Sérfræðilæknir í taugalækningum - Landspítali, lyflækningasvið - Reykjavík - 201710/1609

 

Sérfræðilæknir í taugalækningum
 
Laust eru til umsóknar fullt starf sérfræðilæknis í taugalækningum á lyflækningasviði Landspítala. Starfið veitist 1. janúar 2018 eða eftir samkomulagi. 

Við taugalækningar starfar öflugur hópur sérfræðilækna í þverfaglegu teymi og í nánu samstarfi við aðrar fagstéttir. Áhersla er lögð á góða þjónustu, virka teymisvinnu og stöðugar umbætur í þágu sjúklinga.

Helstu verkefni og ábyrgð
» Vinna á legu-, dag- og göngudeild taugalækninga
» Vinna við samráðskvaðningar á aðrar deildir Landspítala
» Þátttaka í vaktþjónustu taugalækna
» Þátttaka í kennslu og rannsóknarstarfi

Hæfnikröfur
» Víðtæk þekking og reynsla í taugalækningum og sérhæfð reynsla í greiningu og meðferð sjúklinga með Parkinsonsjúkdóm og skylda sjúkdóma 
» Reynsla í kennslu og rannsóknarvinnu
» Samskiptahæfni og lipurð í mannlegum samskiptum
» Hæfni til að vinna sjálfstætt og sýna frumkvæði 
» Hæfni og geta til að vinna í teymi
» Íslenskt sérfræðileyfi í taugalækningum

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.
Fullt starf er bundið við sjúkrahúsið eingöngu sbr. grein 3.2.4 í kjarasamningi lækna og ríkisins 2015. 
Sótt er um starfið rafrænt á; www.landspitali.is, undir "laus störf". Öllum umsóknum verður svarað. Tekið er mið af jafnréttisstefnu LSH við ráðningar á spítalanum. 

Umsókn skulu fylgja vottfestar upplýsingar um nám, fyrri störf, reynslu af kennslu- og vísindavinnu ásamt sérprentun eða ljósriti af greinum sem umsækjandi kann að hafa birt eða skrifað.  Mat stöðunefndar læknaráðs Landspítala byggir á innsendum umsóknargögnum sérfræðilækna. Viðtöl verða við umsækjendur og ákvörðun um ráðningu byggir á þeim sem og innsendum gögnum.

Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsókn um læknisstöðu - umsóknareyðublað Embættis landlæknis

Starfshlutfall er 100%
Umsóknarfrestur er til og með 06.11.2017

Nánari upplýsingar veitir
Elías Ólafsson - [email protected] - 543 4406

LSH Taugalækningar
Fossvogi
108 Reykjavík


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn