Sérfræðilæknir - Landspítali, blóðlækningar - Reykjavík - 201710/1666

 

Sérfræðilæknir í blóðlækningum

Laust er til umsóknar fullt starf sérfræðilæknis í blóðlækningum. Starfið veitist frá 1. janúar 2018 eða eftir samkomulagi. Við blóðlækningar starfa 5 sérfræðilæknar í þverfaglegu teymi og í nánu samstarfi við aðrar fagstéttir. Áhersla er lögð á góða þjónustu, virka teymisvinnu og stöðugar umbætur í þágu sjúklinga..

Helstu verkefni og ábyrgð
» Vinna á legu-, dag- og göngudeild ásamt vaktþjónustu við blóðlækningadeild LSH
» Vinna við samráðskvaðningar á aðrar deildir Landspítala og þátttaka í samráðsfundum 
» Þátttaka í kennslu og vísindavinnu í samvinnu við yfirlækni
» Viðfangsefni tengd almennum lyflækningum í samráði við yfirlækni

Hæfnikröfur
» Breið þekking og reynsla í almennum lyflækningum
» Mikil reynsla af kennslu og rannsóknum
» Jákvæðni, sveigjanleiki og lipurð í samskiptum
» Íslenskt sérfræðileyfi í almennum lyflækningum með blóðlækningar sem undirsérgrein

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.
Fullt starf er bundið við sjúkrahúsið eingöngu sbr. grein 3.2.4 í kjarasamningi lækna og ríkisins 2015. 
Sótt er um starfið rafrænt á; www.landspitali.is, undir "laus störf". Öllum umsóknum verður svarað. Tekið er mið af jafnréttisstefnu LSH við ráðningar á spítalanum.

Umsókn fylgi vottfestar upplýsingar um nám, fyrri störf, reynslu af kennslu, vísindavinnu og stjórnunarstörfum ásamt sérprentun (rafræn skjöl) af greinum sem umsækjandi kann að hafa birt eða skrifað. 

Mat stöðunefndar læknaráðs Landspítala byggist á innsendum umsóknargögnum. Viðtöl verða höfð við umsækjendur og byggist ákvörðun um ráðningu í starfið á þeim og innsendum gögnum.

Mikilvægar leiðbeiningar til umsækjenda 
www.landspitali.is/leidbeiningar/serfraedilæknir 

Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

ATH. Fylla þarf út lágmarksupplýsingar á almenna umsókn og setja viðhengi, en ítarlegri upplýsingar í umsókn fyrir læknisstöðu, sjá slóð hér fyrir neðan. 

Umsókn um læknisstöðu - umsóknareyðublað Embættis landlæknis

Starfshlutfall er 100%
Umsóknarfrestur er til og með 28.11.2017

Nánari upplýsingar veitir
Sigrún Edda Reykdal - [email protected] - 825 5123

LSH Blóðlækningar
Hringbraut
101 Reykjavík


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn