Sérfræðilæknir, lyf- eða heimilislækningar - Landspítali, legudeild krabbameinssjúklinga - Reykjavík - 201710/1674

 

Sérfræðilæknir í lyflækningum eða heimilislækningum - Umsóknarfrestur framlengdur til og með 4. desember 2017.
 
Laust er til umsóknar starf sérfræðilæknis í lyflækningum eða í heimilislækningum á legudeild krabbameinssjúklinga við Hringbraut með möguleika á að hluti starfsins verði á bráðalyflækningadeild í Fossvogi. Starfshlutfall er 100% og veitist starfið til eins árs frá 1. janúar 2018 eða eftir nánara samkomulagi.

Helstu verkefni og ábyrgð
» Sérfræðilæknisstörf á legudeild krabbameinslækninga og mögulega á bráðalyflækningadeild 
» Sérfræðilæknisstörf við greiningu og meðferð sjúklinga með krabbamein og flókna langvinna sjúkdóma
» Þátttaka í kennslu læknanema, kandídata og deildarlækna

Hæfnikröfur
» Góð færni í mannlegum samskiptum
» Hæfni til að vinna í teymi 
» Öguð vinnubrögð 
» Áhugi á gæðastarfi í faglegu klínisku umhverfi 
» Íslenskt sérfræðileyfi í lyflækningum eða heimilislækningum

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.
Fullt starf er bundið við sjúkrahúsið eingöngu sbr. grein 3.2.4 í kjarasamningi lækna og ríkisins 2015. Sótt er um starfið rafrænt á; www.landspitali.is, undir "laus störf". Öllum umsóknum verður svarað. Tekið er mið af jafnréttisstefnu LSH við ráðningar á spítalanum. 

Umsókn skulu fylgja vottfestar upplýsingar um nám, fyrri störf, reynslu af kennslu, vísindavinnu og stjórnunarstörfum ásamt sérprentun (rafræn skjöl) af greinum sem umsækjandi kann að hafa birt eða skrifað. 
Mat stöðunefndar læknaráðs Landspítala byggist á innsendum umsóknargögnum. Viðtöl verða höfð við umsækjendur og byggist ákvörðun um ráðningu í starfið á þeim og innsendum gögnum.

Mikilvægar leiðbeiningar til umsækjenda
www.landspitali.is/leidbeiningar/serfraedilæknir

Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

ATH. Fylla þarf út lágmarksupplýsingar í almenna umsókn og setja viðhengi, en ítarlegri upplýsingar fyllist út í umsókn fyrir læknastöðu, sjá slóð hér fyrir neðan:

Umsókn um læknisstöðu - umsóknareyðublað Embættis landlæknis

Starfshlutfall er 100%
Umsóknarfrestur er til og með  04.12.2017

Nánari upplýsingar veitir
Vilhelmína Haraldsdóttir - [email protected] - 824 5498

LSH Lyflækningar krabbameina
Hringbraut
101 Reykjavík


Smelltu hér til að sækja um starfið
 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn