Fulltrúi í fjárreiðudeild - Heilsugæsla höfuðborgarsvæðisins - Reykjavík - 201711/1719

 

Laust er til umsóknar 100% tímabundið starf í eitt ár hjá Heilsugæslu höfuðborgarsvæðisins. Deildin heyrir undir svið fjármála og rekstrar sem staðsett er í Álfabakka 16. Æskilegt er að viðkomandi geti hafið störf sem fyrst eða eftir nánara samkomulagi.

Helstu verkefni og ábyrgð

Fulltrúi í fjárreiðudeild hefur umsjón með skráningu og útsendingu reikninga. Hann svarar fyrirspurnum og miðlar upplýsingum til starfsmanna, viðskiptamanna og skjólstæðinga Heilsugæslu höfuðborgarsvæðisins. Þá sinnir hann innheimtumálum og öðrum verkefnum innan fjárreiðudeildar.

Hæfnikröfur

  • Stúdentspróf eða menntun sem nýtist í starfi.
  • Góð þekking og reynsla af störfum við Oracle fjárhagskerfi ríkisins æskileg.
  • Góð kunnátta og færni í Excel.
  • Þekking á tekjubókhaldi ríkisins er kostur.
  • Gott vald á íslensku og ensku í töluðu og rituðu máli.
  • Framúrskarandi samskiptahæfileikar, rík þjónustulund og jákvætt hugafar. Fagleg, markviss og öguð vinnubrögð.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og SFR - stéttarfélag í almannaþjónustu hafa gert.
Umsókn skal fylgja ítarleg náms- og starfsferilsskrá. Jafnframt skal leggja fram staðfestar upplýsingar um menntun. Mat á hæfni umsækjenda byggist á innsendum gögnum og viðtölum við umsækjendur.

Gögn sem ekki er hægt að senda rafrænt skulu berast Svövu Þorkelsdóttur, mannauðsstjóra Heilsugæslu höfuðborgarsvæðisins, Álfabakka 16, 109 Reykjavík.

Tekið er mið af jafnréttisstefnu Heilsugæslu höfuðborgarsvæðisins við ráðningu í starfið. Öllum umsóknum verður svarað þegar ákvörðun um ráðningu liggur fyrir.

Starfshlutfall er 100%
Umsóknarfrestur er til og með 20.11.2017

Nánari upplýsingar veitir

Birna Kristófersdóttir - [email protected] - 585-1326


HH Fjármál og rekstur, fjárreiðudeild

Álfabakki 16
109 Reykjavík

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn