Sérfræðingur í upplýsingatækni - Fiskistofa - Akureyri - 201711/1733

 

Fiskistofa á Akureyri óskar eftir að ráða metnaðarfullan starfsmann á upplýsingatæknisvið. Um er að ræða fullt starf og er stefnt að ráðningu frá áramótum.

Mannauður Fiskistofu er grunnstoðin í starfsemi hennar og er lögð mikil áhersla á starfsþróun, teymisvinnu og þekkingarmiðlun.

Helstu verkefni og ábyrgð

  • Verkefnastjórn og umsjón með gagnaveitum.
  • Ábyrgð á umsóknagátt.
  • Gerð gagnafyrirspurna og framsetning gagna.
  • Þróun á vöruhúsi gagna.
  • Samskipti við notendur sem og innlenda og erlenda samstarfsaðila.
  • Þátttaka í ýmsum verkefnum á sviðinu.

Hæfnikröfur

  • Háskólamenntun sem nýtist í starfi s.s. tölvunarfræði.
  • Haldbær þekking á gagnagrunnum og gagnafyrirspurnum.
  • Hæfni og áhugi á hagnýtri framsetningu gagna.
  • Færni í greiningu vandamála og lausnamiðuð hugsun.
  • Góð samskiptahæfni, jákvætt viðhorf og farsæl reynsla af hópastarfi.
  • Sjálfstæð vinnubrögð og skipulagshæfileikar.
  • Góð íslensku- og enskukunnátta.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn á íslensku sem inniheldur ferilskrá og kynningarbréf þar sem gerð er grein fyrir hæfni viðkomandi í starfið skal send inn í gegnum heimasíðu Fiskistofu, www.fiskistofa.is.

Athygli er vakin á því að umsóknir munu gilda í 6 mánuði frá því að umsóknarfrestur rennur út, með vísan til 3. tl. 2. mgr. 2. gr. regla nr. 464/1996 um auglýsingar á lausum störfum, með síðari breytingum, sem settar eru samkvæmt heimild í 2. mgr. 7. gr. laga nr. 70/1996 um réttindi og skyldur starfsmanna ríkisins.

Fiskistofa er þjónustu- og eftirlitsstofnun með sex starfsstöðvar um land allt og eru höfuðstöðvar á Akureyri. Stofnunin annast stjórnsýslu á sviði sjávarútvegs og lax- og silungsveiði ásamt því að safna og vinna úr upplýsingum um þá málaflokka. Nánari upplýsingar um Fiskistofu má finna á www.fiskistofa.is

Starfshlutfall er 100%
Umsóknarfrestur er til og með 20.11.2017

Nánari upplýsingar veitir

Hildur Ösp Gylfadóttir - [email protected] - 569 7900
Leifur Magnússon - [email protected] - 569 7900


FISK Upplýsingatæknisvið

Dalshrauni 1
220 Hafnarfjörður

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn