Sérfræðingur á skrifstofu hagmála og fjárlaga - Velferðarráðuneytið - Reykjavík - 201711/1726

 

Velferðarráðuneytið auglýsir lausa til umsóknar stöðu sérfræðings á skrifstofu hagmála og fjárlaga. 

Starfssvið

  • Gerð fjárlagatillagna, rekstrar- og framkvæmdaáætlana og eftirlit með framkvæmd fjárlaga.
  • Mat á kostnaðaráhrifum lagafrumvarpa og reglugerða.
  • Greining og úrvinnsla gagna.
  • Þátttaka í stefnumótun í málaflokkum ráðuneytisins í samstarfi við fagskrifstofur og stofnanir ráðuneytisins

Menntunar- og hæfniskröfur

  • Háskólamenntun í viðskiptafræði eða hagfræði eða önnur sambærileg menntun. Framhaldsmenntun er kostur.
  • Færni í meðferð, greiningu og úrvinnslu gagna.
  • Þekking og reynsla af áætlanagerð, kostnaðargreiningu og kostnaðareftirliti.
  • Hæfni í mannlegum samskiptum og jákvætt viðmót.
  • Færni til að geta unnið sjálfstætt á skipulagðan og agaðan hátt.
  • Færni í miðlun upplýsinga í mæltu og rituðu máli.
  • Þekking og reynsla úr stjórnsýslunni og af fjárlagagerð er kostur.
  • Þekking á fjárhags- og mannauðskerfi ríkisins er kostur.

Um launakjör fer eftir kjarasamningi fjármála- og efnahagsráðherra og Félags háskólamenntaðra starfsmanna Stjórnarráðsins. Æskilegt er að viðkomandi geti hafið störf sem fyrst. Ráðuneytið hvetur karla jafnt sem konur til að sækja um störfin.

Í boði eru áhugavert og fjölbreytt starf í krefjandi starfsumhverfi. Nánari upplýsingar um starfið veita Ólafur Darri Andrason, skrifstofustjóri, [email protected], og Dagný Brynjólfsdóttir, staðgengill skrifstofustjóra, [email protected]. Umsóknir ásamt upplýsingum um menntun, starfsferil og starfsheiti skulu berast velferðarráðuneytinu, Skógarhlíð 6, 105 Reykjavík eða á netfangið: [email protected] eigi síðar en 20. nóvember nk.

Öllum umsóknum verður svarað þegar ákvörðun um ráðningu liggur fyrir. Tekið skal fram að umsóknir geta gilt í sex mánuði frá því að umsóknarfrestur rennur út, sbr. reglur nr. 464/1996 um auglýsingar á lausum störfum, með síðari breytingum.

 

Velferðarráðuneytinu, 4. nóvember 2017.

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn