Hjúkrunardeildarstjóri - Landspítali, móttökugeðdeild 32A/33C - Reykjavík - 201711/1735

 

Hjúkrunardeildarstjóri móttökugeðdeildar 32A/ 33C

Við sækjumst eftir framsæknun og dugmiklum leiðtoga í starf hjúkrunardeildarstjóra á móttökugeðdeild 32A/33C. Um er að ræða 32 rúma móttökugeðdeild sem sinnir greiningu og meðferð sjúklinga með alvarlegar og bráðar geðraskanir.

Leitað er að hjúkrunarfræðingi með víðtæka reynslu og hæfni til að vera í forystu fyrir þjónustu við sjúklinga, umbótastarf, öryggismál og uppbyggingu mannauðs í nánu samstarfi við framkvæmdastjóra og starfsfólk. Hjúkrunardeildarstjóri er leiðtogi og hefur þríþætta ábyrgð sem stjórnandi þ.e. faglega ábyrgð, starfsmannaábyrgð og fjárhagslega ábyrgð. Næsti yfirmaður er framkvæmdastjóri geðsviðs.
Starfshlutfall er 100% og veitist starfið frá 1. janúar 2018 eða eftir samkomulagi. Ráðið er í starfið til 5 ára, sbr. 9.gr. laga nr. 40/2007 og stefnu Landspítala í ráðningum stjórnenda.

Helstu verkefni og ábyrgð

  • Sameining móttökugeðdeilda 32A og 33C og uppbygging öflugrar liðsheildar.
  • Fagleg ábyrgð á uppbyggingu, skipulagi og þróun hjúkrunar, setur markmið um gæði og öryggi og tryggir eftirfylgni, í nánu samráði við framkvæmdastjóra geðsviðs og framkvæmdastjóra hjúkrunar
  • Fjárhagsleg ábyrgð, þ.e. ábyrgð á rekstrarkostnaði einingarinnar
  • Starfsmannaábyrgð, þ.e. ábyrgð á uppbyggingu mannauðs og daglegri stjórnun starfsmanna á einingunni

Hæfnikröfur

  • Færni í stjórnunarhlutverki, þ.e. fagleg ábyrgð, starfsmannaábyrgð og fjárhagsleg ábyrgð
  • Leiðtogahæfileikar, faglegur metnaður og framúrskarandi samskiptahæfni
  • Reynsla af teymisvinnu og stýringu verkefna
  • A.m.k. 5 ára starfsreynsla
  • Frumkvæði og metnaður til að ná árangri
  • Framhaldsnám í geðhjúkrun æskilegt
  • Íslenskt hjúkrunarleyfi

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Sótt er um starfið rafrænt á; www.landspitali.is, undir "laus störf". Öllum umsóknum verður svarað. Tekið er mið af jafnréttisstefnu LSH við ráðningar á spítalanum.

Umsókn fylgi vottfestar upplýsingar um nám, fyrri störf, kennslu og vísindavinnu ásamt afriti af prófskírteinum og starfsleyfi. Umsókn fylgi einnig kynningarbréf með rökstuðningi fyrir hæfni og sýn á starfið. Umsóknir verða sendar til stöðunefndar hjúkrunarráðs Landspítala. Ákvörðun um ráðningu í starfið byggist á innsendum gögnum og viðtölum.

Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Mikilvægar leiðbeiningar til umsækjanda um starf hjúkrunardeildarstjóra

Starfshlutfall er 100%
Umsóknarfrestur er til og með 20.11.2017

Nánari upplýsingar veitir

Sigríður Edda Hafberg - [email protected] - 545 4453
María Einisdóttir - [email protected] - 543 4077


LSH Skrifstofa geðsviðs

Hringbraut
101 Reykjavík

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn