Næringarráðgjafi/næringarfræðingur - Landspítali, átröskunarteymi - Reykjavík - 201711/1715

Næringarráðgjafi/ næringarfræðingur í átröskunarteymi Landspítala

Leitað er eftir jákvæðum og metnaðarfullum næringarráðgjafa/ næringarfræðingi í afleysingarstarf í 8 mánuði. Starfshlutfall er 80% og er starfið laust frá 1. janúar 2018 eða samkvæmt samkomulagi.

Á Næringarstofu Landspítala starfar öflugur hópur næringarráðgjafa/ næringarfræðinga í þverfaglegu teymi og í nánu samstarfi við aðrar fagstéttir. Á deildinni fer fram metnaðarfullt starf og markvisst er unnið að umbótum og framþróun.

Starfsemi næringarstofu byggir á þremur stoðum: Næringarmeðferð, fræðslu og rannsóknum. Næringarstofa Landspítala deilir húsnæði á Eiríksgötu með Rannsóknarstofu í næringarfræði (RÍN) við Háskóla Íslands og Landspítala. Starfsumhverfið er því fjölbreytt og býður upp á mikla möguleika.

Helstu verkefni og ábyrgð

  • Teymisvinna og næringarráðgjöf fyrir skjólstæðinga á dag- og göngudeild í átröskunarteymi á Hvítabandi (60%) og átröskunarteymi BUGL (20%)
  • Leiðsögn nemenda í klínísku námi
  • Umsjón með endurskoðun fræðsluefnis fyrir sjúklinga og aðstandendur
  • Þátttaka í faglegu gæðastarfi Næringarstofu

Hæfnikröfur

  • Löggilding samkvæmt reglugerð sem og gilt starfsleyfi
  • Brennandi áhugi á að starfa í átröskunarteymi Landspítala
  • Jákvæðni, sveigjanleiki og lipurð í samskiptum
  • Faglegur metnaður
  • Sjálfstæði í vinnubrögðum
  • Klínísk reynsla og reynsla af teymisvinnu er æskileg, ekki skilyrði

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra náttúrufræðinga hafa gert.
Sótt er um starfið rafrænt á; www.landspitali.is, undir "laus störf". Öllum umsóknum verður svarað. Tekið er mið af jafnréttisstefnu LSH við ráðningar á spítalanum.

Umsókn fylgi náms- og starfsferilskrá ásamt afriti af prófskírteinum og starfsleyfi. Ráðning byggir m.a. á innsendum gögnum og viðtölum.

Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 80%
Umsóknarfrestur er til og með 20.11.2017

Nánari upplýsingar veitir

Ingibjörg Gunnarsdóttir - [email protected] - 825 9374


LSH Næringarstofa

Eiríksgötu 29
101 Reykjavík

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn