Sjúkraliði - LSH Öldrunarlækningadeild Landakoti - Reykjavík - 201711/1707

 

Sjúkraliði - Öldrunarlækningadeild L3 Landakoti

Laust er til umsóknar starf sjúkraliða á öldrunarlækningadeild L3 Landakoti. Deildin er fimm daga endurhæfingardeild fyrir aldraða. Sólahringsdeild, opin alla virka daga.
Starfið veitist frá 1. desember 2017. Starfshlutfall er 50%, morgun- og kvöldvaktir eftir samkomulagi.

Í boði er góð einstaklingsaðlögun undir leiðsögn reyndra sjúkraliða og gott starfsumhverfi. Starf á öldrunarlækningadeild býður upp á tækifæri til að þróa með sér mikla faglega þekkingu á hjúkrun aldraðra og hæfni í sjálfstæðum vinnubrögðum.

Helstu verkefni og ábyrgð

» Almenn og sérhæfð umönnun
» Þátttaka í endurhæfingu sjúklinga
» Þátttaka í teymisvinnu
» Ber ábyrgð á að veita skjólstæðingum sínum hjúkrun í samræmi við sýn og stefnu hjúkrunar á Landspítala
» Skipuleggur og forgangsraðar störfum sínum í samráði við hjúkrunarfræðing og í samræmi við þar til gerða hjúkrunaráætlun

Hæfnikröfur

» Faglegur metnaður og áhugi á að starfa við hjúkrun aldraðra
» Sveigjanleiki, jákvætt viðmót og góðir samskiptahæfileikar
» Gott vald á íslensku
» Íslenskt sjúkraliðaleyf

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Sjúkraliðafélag Íslands hafa gert.
Sótt er um starfið rafrænt á; www.landspitali.is, undir "laus störf". Öllum umsóknum verður svarað þegar ákvörðun um ráðningu hefur verið tekin. Tekið er mið af jafnréttisstefnu LSH við ráðningar á spítalanum.

Umsókn fylgi náms- og starfsferilskrá ásamt afriti af prófskírteinum og starfsleyfi.

Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 50%
Umsóknarfrestur er til og með 20.11.2017

Nánari upplýsingar veitir

Hildur Guðrún Elíasdóttir - [email protected] - 824 2227
Bára Benediktsdóttir - [email protected] - 824 5909


LSH Öldrunarlækningadeild F

v/Túngötu
101 Reykjavík

Sækja um starf

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn