Starfsmaður á kaffibar í matsal - Landspítali - Reykjavík - 201711/1705

Við leitum eftir jákvæðum, hressum og duglegum einstaklingi sem er tilbúinn í krefjandi afgreiðslu- og þjónustustarf í fjölþjóðlegu starfsumhverfi spítalans.
Í matsölum er afgreiddur heitur matur og kaldir réttir til starfsmanna Landspítala. Starfsmenn matsala leggja sig alla fram um að veita viðskiptavininum sem besta þjónustu. Í eldhúsi og matsölum Landspítala starfa alls um 120 starfmenn. Þar af starfa 8 manns í matsal Fossvogi og 9 manns matsalnum á Hringbraut.

Eldhús - matsalir Landspítala sjá um matargerð og máltíðaþjónustu fyrir sjúklinga og starfsfólk spítalans. Markmið starfseminnar er að gæta hagkvæmni og tryggja öryggi matvæla og vinnuferla þannig að framleiðsla og þjónusta sé til fyrirmyndar. Eldhús og matsalir Landspítala eru með Svansvottun.

Helstu verkefni og ábyrgð

  • Útbýr kaffi og kaffidrykki á kaffibar í matsal
  • Pantar hráefni fyrir kaffibar
  • Sér um frágang og þrif á vinnusvæði kaffibars
  • Aðstoðar við matarskömmtun og önnur almenn störf eftir þörfum

Hæfnikröfur

  • Jákvætt viðmót og þjónustulund
  • Hæfni í mannlegum samskiptum
  • Sjálfstæði í vinnubrögðum
  • Reynsla af starfi á kaffihúsi er kostur
  • Íslenskukunnátta er skilyrði

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Efling stéttarfélag hafa gert.
Sótt er um starfið rafrænt á; www.landspitali.is, undir "laus störf". Öllum umsóknum verður svarað. Tekið er mið af jafnréttisstefnu LSH við ráðningar á spítalanum.

Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 100%
Umsóknarfrestur er til og með 20.11.2017

Nánari upplýsingar veitir

Eygló Hlín Stefánsdóttir - [email protected] - 543 1617
Friðgerður Helga Guðnadóttir - [email protected] - 543 1604


LSH Matsalur H

Hringbraut
101 Reykjavík

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn