Verkefnastjóri - Landspítali, göngudeild BUGL - Reykjavík - 201710/1702

 

Verkefnastjóri á göngudeild BUGL
 
Við sækjumst eftir framsæknum einstaklingi í starf verkefnastjóra á göngudeild BUGL, barna- og unglingageðdeild Landspítala. Í boði er áhugavert starf þar sem miklir möguleikar eru til starfsþróunar.

Á göngudeild BUGL er tekið á móti börnum upp að 18 ára aldri sem eiga við geðheilsuvanda að stríða. Á deildinni er unnið í þverfaglegum teymum og eru fjölbreytt meðferðarúrræði í boði sem taka mið af þörfum barna og fjölskyldna þeirra. 

Helstu verkefni og ábyrgð
» Verkefnastjórnun, þátttaka í umbóta- og þróunarverkefnum
» Umsjón og ábyrgð á ákveðnum hluta starfseminnar í samvinnu við stjórnendur
» Þátttaka í stefnumótun og útfærslu stefnu
» Að auka skilvirkni og samfellu í þjónustu
» Að auka gæði, sinna innra eftirliti og úttektum á þjónustu
» Fræðsla og kynningar

Hæfnikröfur
» Hjúkrunarfræði, sálfræði eða önnur háskólamenntun sem nýtist í starfi
» Starfsleyfi viðkomandi heilbrigðisstéttar eins og við á
» Starfsreynsla og hæfni á sviði verkefnastjórnunar 
» Hæfni til að vinna sjálfstætt og í samvinnu við aðra
» Hæfni í samskiptum, þá sérstaklega sveigjanleiki og geta til að vinna undir álagi
» Áhugi á framþróun, þverfaglegu samstarfi og teymisvinnu
» Frumkvæði og skipulögð vinnubrögð
» Góð tölvukunnátta, þ.á.m. Excel og PowerPoint

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Sótt er um starfið rafrænt á; www.landspitali.is, undir "laus störf". Öllum umsóknum verður svarað þegar ákvörðun um ráðningu hefur verið tekin. Tekið er mið af jafnréttisstefnu LSH við ráðningar á spítalanum.

Starfið er laust nú þegar eða eftir nánara samkomulagi. Umsókn fylgi náms- og starfsferilskrá ásamt starfsleyfi (ef við á). 

Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Sjá nánar um göngudeild BUGL

Starfshlutfall er 80%
Umsóknarfrestur er til og með 20.11.2017

Nánari upplýsingar veitir
Helga Jörgensdóttir - [email protected] - 543 4300/ 543 4322

LSH Göngudeild BUGL
Dalbraut 12
105 Reykjavík


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn