Lögfræðingur - Háskóli Íslands, vísinda- og nýsköpunarsvið - Reykjavík - 201711/1739

 

Lögfræðingur á vísinda- og nýsköpunarsviði Háskóla Íslands

Laust er til umsóknar fullt starf lögfræðings á vísinda- og nýsköpunarsviði Háskóla Íslands. Viðkomandi mun jafnframt starfa sem sérfræðingur Hugverkanefndar Háskóla Íslands og Landspítala. Lögfræðingurinn er hluti af nýsköpunarteymi vísinda- og nýsköpunarsviðs og vinnur jafnframt eftir atvikum með teymi annarra lögfræðinga í sameiginlegri stjórnsýslu. Um er að ræða framtíðarstarf. 

Meginmarkmið vísinda- og nýsköpunarsviðs er að efla rannsóknir við Háskóla Íslands með almennum stuðningi við rannsóknir, nýsköpun, hagnýtingu, erlent samstarf og vísindastarf skólans.   

Helstu verkefni: 
Samningsgerð, m.a. samstarfssamningar, trúnaðarsamningar, hugverkasamningar, leyfissamningar, útgáfusamningar o.fl.
Úrlausn lögfræðilegra álitaefna er tengjast hugverkarétti og sjóðasókn
Umsjón með einkaleyfum á vegum Hugverkanefndar
Ráðgjöf og fræðsla varðandi einkaleyfi, höfundarrétt og hagnýtingu rannsókna 
Vinna að hagnýtingu uppfinninga sem eru í umsjón Hugverkanefndar í samstarfi við starfsmenn
Aðstoð við starfsmenn Háskóla Íslands við að móta og þróa viðskiptatækifæri í rannsóknum og umsóknum í innlenda og erlenda sjóði 
Aðstoð við stofnun sprotafyrirtækja 
Kynningar fyrir starfsmenn og samstarfsaðila
Þátttaka á fundum Hugverkanefndar, ritun fundargerða og ársskýrslu, og umsjón með heimasíðu nefndarinnar
Þátttaka á fundum með sjóðasókn Háskóla Íslands
Önnur tilfallandi verkefni

Menntunar- og hæfniskröfur:
Meistarapróf í lögfræði
Reynsla af viðskiptatengdum samningum og hugverkarétti er skilyrði
Nákvæmni, frumkvæði, sjálfstæði og geta til að vinna að mörgum verkefnum á sama tíma
Hæfni til að koma frá sér efni í ræðu eða riti
Góð enskukunnátta
Hæfni í mannlegum samskiptum, sveigjanleiki og rík þjónustulund

Frekari upplýsingar um starfið
Nánari upplýsingar um starfið veitir Halldór Jónsson, sviðsstjóri vísinda- og nýsköpunarsviðs í síma 525 4337, netfang [email protected].

Umsóknarfrestur er til 27. nóvember 2017.

Æskilegt er að viðkomandi geti hafið störf sem fyrst. 
Sótt er um starfið hér: www.hi.is/laus_storf.

Umsóknum skal fylgja ferilskrá, bréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess, staðfest afrit af prófskírteinum og upplýsingar um umsagnaraðila.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknafrests.

Laun eru samkvæmt kjarasamningi Félags háskólakennara og fjármálaráðherra.

Við ráðningu í störf í Háskóla Íslands er tekið mið af jafnréttisáætlun skólans. 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn