Launafulltrúi - Heilbrigðisstofnun Austurlands - Neskaupstaður - 201711/1753


Launafulltrúi HSA með aðsetur í Neskaupstað

Heilbrigðisstofnun Austurlands óskar eftir að ráða launafulltrúa til starfa. Um er að ræða 70% stöðugildi eða eftir nánara samkomulagi. Staðan veitist frá 1. janúar 2018 eða eftir nánara samkomulagi.

Starfssvið 
Starfar við launafærslur og launakeyrslur undir verkstjórn fjármála- og mannauðsstjóra. Launafulltrúi hefur með höndum flókin verkefni sem krefjast mikillar einbeitingar og aðgæslu.

Menntun
Æskilegt er að viðkomandi hafi viðskiptafræðimenntun og /eða mikla reynslu af launavinnslu.
 
Hæfnikröfur
Góð þekking og reynsla af launavinnslu, góð tölvukunnátta og færni í Excel. Þekking á Oracle mannauðskerfi ríkisins er kostur. Þekking á kjarasamningum og lögum um réttindi og skyldur starfsmanna. Krafist er góðrar skipulagningar og nákvæmni í vinnubrögðum, góðrar þjónustulundar og mikillar færni í mannlegum samskiptum. Íslenskukunnátta áskilin.

Laun eru greidd skv. kjarasamningi fjármálaráðherra f.h. ríkissjóðs annars vegar og viðkomandi stéttarfélags og stofnanasamningi HSA.

Umsóknarfrestur er til 27. nóvember nk.

Umsóknum skal skilað rafrænt til HSA með því að fylla út umsóknarform á vefsíðu stofnunarinnar; www.hsa.is, undir flipanum Laus störf.
Öllum umsóknum verður svarað. Tekið er mið af jafnréttisstefnu HSA við ráðningar. 
Tóbaksnotkun er ekki heimil á vinnutíma innan HSA.

Nánari upplýsingar veita: Svava I. Sveinbjörnsdóttir, fjármálastjóri, sími 470-1435, netfang: [email protected] og Emil Sigurjónsson, mannauðsstjóri, s. 470-3053 & 895-2488, netf. [email protected].


HSA starfar á þremur fagsviðum; heilsugæslu-, hjúkrunar- og sjúkrasviði. Áhersla er lögð á samvinnu þvert á byggðarlög. Stofnunin þjónar rúmlega 11.000 íbúum frá Djúpavogi til Bakkafjarðar, auk ferðamanna sem sækja Austurland heim. Umdæmissjúkrahús Austurlands er í Neskaupstað. Á þjónustusvæði HSA eru auk þess fimm heilsugæslustöðvar, en alls eru starfsstöðvarnar ellefu talsins.
HSA vill byggja þjónustu sína á mannvirðingu, þekkingu og þverfaglegri samvinnu.

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn