Náms- og starfsráðgjafi - Háskóli Íslands, náms- og starfsráðgjöf - Reykjavík - 201711/1764

 

Náms- og starfsráðgjafi - Háskóli Íslands, Náms- og starfsráðgjöf – Reykjavík.
 
Við Náms- og starfsráðgjöf Háskóla Íslands (NSHÍ) er laust til umsóknar fullt starf náms- og starfsráðgjafa í afleysingu til átta mánaða frá byrjun janúar 2018.

Helstu verkefni:
Ráðgjöf um náms- og starfsval og vinnubrögð í námi.
Upplýsingamiðlun.
Námskeið og vinnustofur.
Kynningar á námi og þjónustu NSHÍ.

Menntun og hæfni:
Háskólanám á sviði náms- og starfsráðgjafar og að umsækjandi hafi leyfi til að nota starfsheitið náms- og starfsráðgjafi skv. 1.gr. laga nr. 35/2009.
Afbragðs samstarfshæfni og lipurð í mannlegum samskiptum. 
Frumkvæði og sjálfstæði í starfi.
Góð kunnátta í íslensku og ensku.
Góð tölvukunnátta ásamt færni í upplýsingatækni og notkun samfélagsmiðla. 

Um er að ræða krefjandi starf í metnaðarfullu umhverfi og er æskilegt að viðkomandi geti hafið störf sem fyrst eða samkvæmt nánara samkomulagi.

Laun miðast við kjarasamning fjármálaráðherra og Félags háskólakennara.

Umsóknarfrestur er til 27. nóvember 2017.

Sótt er um starfið á vefsíðu Háskóla Íslands.

Eftirfarandi gögn skulu fylgja umsókn:
I. Ferilskrá.
II. Bréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess.
III. Staðfest afrit af prófskírteinum.
IV. Upplýsingar um 2-3 umsagnaraðila.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Nánari upplýsingar um starfið veitir María Dóra Björnsdóttir, deildarstjóri Náms- og starfsráðgjafar, netfang: [email protected]

Við ráðningar í störf við Háskóla Íslands er tekið mið af jafnréttisáætlun háskólans.

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn