Sérnámsstöður í heimilislækningum - Heilsugæsla höfuðborgarsvæðisins - Reykjavík - 201711/1749

 

Sérnámsstöður í heimilislækningum
 
Lausar eru til umsóknar 3 sérnámsstöður í heimilislækningum hjá Heilsugæslu höfuðborgarsvæðisins. Námsstöðurnar veitast frá 1. janúar 2018 eða eftir nánara samkomulagi. 

Sérnámið:
Sérnám í heimilislækningum hefur verið starfrækt í fjölda ára og hefur Heilsugæsla höfuðborgarsvæðisins verið leiðandi í sérfræðinámi fyrir heimilislækna á Íslandi. Námið er alls 5 ár og byggir á marklýsingu Félags íslenskra heimilislækna og virkri handleiðslu mentors sem fylgir sérnámslækni eftir allan námstímann.

Sérnámslæknir skipuleggur nám sitt í samráði við mentor og kennslustjóra sérnáms. Námið fer fram á heilsugæslustöð og sjúkrahúsi.

Kostir sérnáms:
- Starfsnám undir virkri handleiðslu reyndra sérfræðinga
- Einstaklingsmiðuð námsáætlun
- Hópkennsla annan hvern þriðjudag
- Þátttaka í vísindavinnu
- Blokkasamningur við Landspítala varðandi spítalahluta sérnámsins
- Sameiginlegar námsferðir innanlands sem utan

Helstu verkefni og ábyrgð
- Almennar lækningar og heilsuvernd
- Vaktþjónusta
- Nám samhliða starfi 
- Vísindavinna

Hæfnikröfur
- Íslenskt lækningaleyfi 
- Mjög góðir samskiptahæfileikar, fagmennska og jákvæðni
- Hæfni og vilji til að vinna náið með skjólstæðingum og samstarfsfólki
- Frumkvæði, faglegur metnaður og geta til að starfa sjálfstætt
- Vandvirkni og samviskusemi
- Lausnamiðuð hugsun og vinnubrögð
- Vilji til þátttöku í þverfaglegri teymisvinnu
- Áhugi á vísindavinnu æskilegur

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.
Stéttarfélag er Læknafélag Íslands. 

Umsókn skal fylgja ítarleg náms- og starfsferilsskrá og kynningarbréf þar sem gerð er grein fyrir ástæðu umsóknar. Jafnframt skal leggja fram staðfestar upplýsingar um læknismenntun, læknisstörf og vísinda- og rannsóknarstörf ásamt staðfestu afriti af opinberu starfsleyfi. 

Mat á hæfni umsækjenda byggist á innsendum gögnum, umsögnum og viðtölum við umsækjendur. Gögn sem ekki er hægt að senda rafrænt skulu berast Svövu Þorkelsdóttur, mannauðsstjóra Heilsugæslu höfuðborgarsvæðisins, Álfabakka 16, 109 Reykjavík. 

Öllum umsóknum verður svarað þegar ákvörðun um ráðningu hefur verið tekin. Tekið er mið af jafnréttisstefnu Heilsugæslu höfuðborgarsvæðisins við ráðningu. Umsókn getur gilt í 6 mánuði.

Starfshlutfall er 100%
Umsóknarfrestur er til og með 27.11.2017

Nánari upplýsingar veitir
Elínborg Bárðardóttir - [email protected] - 585-1300/585-2600
Sigríður Ýr Jensdóttir - [email protected] - 585-1300/585-2600

HH Stjórnsýsla
Álfabakki 16
109 Reykjavík


Smelltu hér til að sækja um starfið

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn