Námsstöður í skurðlækningum - Landspítali - Reykjavík - 201711/1771

 

Námsstöður í skurðlækningum við Landspítala
 
Lausar eru til umsóknar 4 námsstöður deildarlækna í skurðlækningum við Landspítala frá 15. febrúar 2018 eða samkvæmt samkomulagi. Starfshlutfall er 100% og veitast störfin til tveggja ára eða samkvæmt samkomulagi. 

Starfsnámið er byggt upp sem grunnnám í skurðlækningum í samræmi við marklýsingu og er góður undirbúningur fyrir framhaldsnám erlendis í sérgreinum skurðlækninga. 
Vinnan fer fram á eftirtöldum deildum skurðlækningasviðs: Kviðarhols- og brjóstaskurðdeild, þvagfæraskurðdeild, hjartaskurðdeild, heila- og taugaskurðdeild, lýtaskurðdeild og æðaskurðdeild.

Helstu verkefni og ábyrgð
» Klínísk vinna á bráðamóttöku, legu- og göngudeildum skurðlækningasviðs
» Staðarvaktir
» Þátttaka í kennslu- og fræðslustarfi sérgreina
» Þátttaka í vísindavinnu
» Kennsla kandídata og læknanema

Hæfnikröfur
» Íslenskt lækningaleyfi
» Færni í mannlegum samskiptum
» Öguð vinnubrögð
» Íslenskukunnátta

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.
Sótt er um starfið rafrænt á; www.landspitali.is, undir "laus störf". Öllum umsóknum verður svarað þegar ákvörðun um ráðningu hefur verið tekin. Tekið er mið af jafnréttisstefnu LSH við ráðningar á spítalanum.

Umsókn skal fylgja náms- og ferilskrá ásamt lækningaleyfi. Viðtöl verða höfð við umsækjendur og byggist ákvörðun um ráðningu í starfið á þeim og innsendum gögnum.

Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 100%
Umsóknarfrestur er til og með 04.12.2017

Nánari upplýsingar veitir
Guðjón Birgisson - [email protected] - 543 1000
Hafdís Sif Svavarsdóttir - [email protected] - 824 3553

LSH Aðstoðar- og deildarlæknar SKU
Hringbraut
101 Reykjavík


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn