Hjúkrunarfræðingur - Heilsugæslan Mjódd - Reykjavík - 201711/1860

 

Hjúkrunarfræðingur við Heilsugæsluna Mjódd
 
Hjúkrunarfræðingur óskast til starfa við Heilsugæsluna Mjódd. Um er að ræða ótímabundið 80% starf, frá 1. mars 2018 eða eftir nánara samkomulagi. Umsóknarfrestur er til og með 18. desenber n.k.

Á Heilsugæslunni Mjódd starfa hjúkrunarfræðingar, ljósmæður með öðrum heilbrigðisstéttum þar sem markmið er að veita skjólstæðingum faglega heilbrigðisþjónustu með úrlausnir fyrir hvern og einn. Heilsugæslan Mjódd er hverfisstöð og er fyrst og fremst ætlað að veita íbúum almenna, samfellda og aðgengilega heilbrigðisþjónustu. Starfsemi heilsugæslunnar er í örri framþróun þar sem áhersla er lögð á náið samstarf fagstétta og teymisvinnu. 

Nánari upplýsingar um starfsemi stöðvarinnar má finna á vef Heilsugæslunnar (www.heilsugaeslan.is). 

Helstu verkefni og ábyrgð
Megin starfssvið er skólaheilsugæsla auk almennrar móttöku á heilsugæslustöð. Skólahjúkrunarfræðingur sinnir reglubundnu heilbrigðiseftirliti nemenda og fræðslu. Auk þess sinnir hann öðrum viðfangsefnum sem upp kunna að koma í samstarfi við annað starfsfólk skólans og foreldra eftir þörfum hverju sinni.

Starfssvið hjúkrunarfræðinga í heilsugæslu er mjög fjölbreytt. Þeir sinna meðal annars heilsuvernd barna, einstaklingum með langvinnan heilsuvanda, öldruðum, símaráðgjöf og bráðaþjónustu. 

Hæfnikröfur
- Íslenskt hjúkrunarleyfi
- Reynsla af skóla- og/eða heilsugæsluhjúkrun æskileg
- Framúrskarandi samskiptahæfni og sveigjanleiki
- Faglegur metnaður og áhugi á að vinna með börnum
- Reynsla af og áhugi á teymisvinnu
- Sveigjanleiki og sjálfstæði í starfi
- Góð íslenskukunnátta nauðsynleg

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Umsókn skal fylgja ítarleg náms- og starfsferilsskrá ásamt kynningarbréfi. Jafnframt skal leggja fram staðfestar upplýsingar um menntun og staðfest afrit af opinberu starfsleyfi. 

Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast Svövu Þorkelsdóttur, mannauðsstjóra Heilsugæslu höfuðborgarsvæðisins, Álfabakka 16, 109 Reykjavík.

Tekið er mið af jafnréttisstefnu Heilsugæslu höfuðborgarsvæðisins við ráðningu í starfið. Öllum umsóknum verður svarað þegar ákvörðun um ráðningu liggur fyrir. Umsókn getur gilt í 6 mánuði.

Starfshlutfall er 80%
Umsóknarfrestur er til og með 18.12.2017

Nánari upplýsingar veitir
Hrafnhildur Halldórsdóttir - [email protected] - 821-2230

HH Mjódd hjúkrun
Þönglabakka 6
109 Reykjavík


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn