Sérfræðingur - Rannsóknarmiðstöð Háskólans á Akureyri - Akureyri - 201711/1866

 

RHA – Rannsóknamiðstöð Háskólans á Akureyri 
auglýsir laust til umsóknar 100% starf sérfræðings við rannsóknir


Auglýst er eftir sérfræðingi til rannsókna- og ráðgjafastarfa. Starfið felur í sér vinnu við gagnaöflun, tölfræðigreiningar, skýrsluskrif og annað sem til fellur. Æskilegt er að viðkomandi geti hafið störf sem fyrst.
 
RHA er sjálfstæð eining innan Háskólans á Akureyri sem aflar sér einkum tekna með rannsóknaverkefnum og ráðgjöf fyrir ýmsa aðila innanlands sem utan. Hlutverk RHA er að efla rannsóknastarfsemi við Háskólann á Akureyri og styrkja tengsl hans við atvinnulífið. Einnig að vinna að þróun nýrra verkefna innan háskólans og koma þeim í réttan farveg. Starfsmenn RHA eru 9 talsins. Næsti yfirmaður er forstöðumaður RHA. Vinnustaður er á Borgum á háskólasvæðinu. Sjá nánar á vefslóð www.rha.is.

Menntunar- og hæfniskröfur:

Meistaragráða sem nýtist í starfi.
Góð þekking á aðferðafræði og tölfræðilegum greiningum og reynsla af notkun SPSS tölfræðiforritsins og framkvæmd kannana.
Góð þekking og reynsla á tölfræðihugbúnaðinum R.
Jákvæðni og góð hæfni í mannlegum samskiptum.
Reynsla af þátttöku í innlendum og alþjóðlegum rannsóknarverkefnum.
Mjög gott vald á íslensku og ensku í ræðu og riti.
Góðir skipulagshæfileikar og geta til að vinna sjálfstætt og í teymi.
Við mat á umsóknum er tekið mið af hversu vel viðkomandi uppfyllir þarfir RHA.
 
Umsókn skal fylgja:
Greinargóð skýrsla um náms- og starfsferil. 
Staðfest afrit af viðeigandi prófskírteinum. 
Tilnefna skal þrjá meðmælendur. Æskilegt er að einn þeirra sé næsti yfirmaður umsækjanda í núverandi eða fyrra starfi hans.

Umsóknarfrestur er til 22. desember 2017. Ekki er notað staðlað umsóknareyðublað. Umsóknir og  fylgigögn skal senda rafrænt á til skrifstofu rektors Háskólans á Akureyri á netfangið [email protected]. Ófullnægjandi umsóknir eru ekki teknar til greina. Öllum umsóknum verður svarað þegar ákvörðun um ráðningu hefur verið tekin. Umsókn getur gilt í sex mánuði eftir að umsóknarfresti lýkur, sbr. 2. gr. reglna nr. 464/1996. RHA áskilur sér rétt til að hafna öllum umsóknum.
Meðferð umsókna, mat á hæfi umsækjenda og ráðning í starfið er í samræmi við ákvæði laga um opinbera háskóla nr. 85/2008 og reglur fyrir Háskólann á Akureyri nr. 387/2009. 

Laun eru skv. kjarasamningi Félags háskólakennara á Akureyri og fjármálaráðherra.

Nánari upplýsingar gefur forstöðumaður RHA, Guðrún Rósa Þórsteinsdóttir, netfang: [email protected], sími 460 8901. 

Háskólinn á Akureyri stuðlar að jafnrétti kynjanna og hvetur konur jafnt sem karla til að sækja um laus störf.
 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn