Aðstoðardeildarstjóri - Landspítali, göngudeild geðsviðs - Reykjavík - 201711/1837

 

Aðstoðardeildarstjóri á göngudeild geðsviðs
 
Við sækjumst eftir framsæknum og metnaðarfullum hjúkrunarfræðingi með áhuga á fjölbreyttri hjúkrun, stjórnun sem og gæða- og umbótastarfi. Starfshlutfall er 100% og veitist starfið frá 1. janúar 2018 eða eftir samkomulagi.

Göngudeild geðsviðs samanstendur af 11 þverfaglegum sérhæfðum meðferðarteymum á 5 starfsstöðvum á höfuðborgarsvæðinu. Teymin sinna greiningu, meðferð og eftirfylgd einstaklinga með alvarlegar geðraskanir. Meðferðarnálgun er fjölþætt og ræðst af þörfum og getu hvers einstaklings.
Starfssemi göngudeildar geðsviðs er í uppbyggingar- og þróunarfasa þar sem markmiðið er að auka öryggi, efla skilvirkni, auka gæði þjónustu og stöðugar umbætur.

Helstu verkefni og ábyrgð
» Er nánasti samstarfsmaður deildarstjóra og vinnur í samráði við hann að skipulagningu á starfsemi, þá sérstaklega á göngudeild Klepps 
» Er leiðandi í klínísku starfi og framþróun hjúkrunar á einingu 
» Ábyrgð á rekstri og mönnun hjúkrunar í fjarveru hjúkrunardeildarstjóra
» Sérstök ábyrgð á tilteknum verkefnum sem honum eru falin
» Er leiðandi í umbótastarfi á deildinni

Hæfnikröfur
» Starfsreynsla í hjúkrun
» Framhaldsnám í geðhjúkrun eða skyldum greinum er kostur
» Reynsla af þverfaglegu samstarfi og teymisvinnu æskileg 
» Hæfni til að vinna sjálfstætt og í samvinnu við aðra meðferðaraðila
» Sveigjanleiki og lipurð í mannlegum samskiptum
» Góð almenn tölvukunnátta og færni í mæltu og rituðu máli
» Stjórnunarþekking og leiðtogahæfni 
» Íslenskt hjúkrunarleyfi

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Öllum umsóknum verður svarað. Tekið er mið af jafnréttisstefnu LSH við ráðningar á spítalanum.

Umsókn fylgi náms- og starfsferilskrá ásamt afriti af prófskírteinum og starfsleyfi. Ákvörðun um ráðningu byggir á innsendum gögnum og viðtölum.

Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 100%
Umsóknarfrestur er til og með 18.12.2017

Nánari upplýsingar veitir
Helga Sif Friðjónsdóttir - [email protected] - 824 5973
Sigríður Edda Hafberg - [email protected] - 543 4453

LSH Göngudeild geðsviðs
Hringbraut
101 Reykjavík


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn