Deildarlæknar - Landspítali, kvennadeild - Reykjavík - 201711/1846

 

Deildarlæknar kvennadeilda Landspítala 
 
Laus eru til umsóknar störf deildarlækna á kvennadeildum Landspítala. Um er að ræða tvö störf vegna afleysinga til 1. september 2018, önnur staðan frá 1. janúar 2018 og hin staðan frá 1. febrúar 2018. 
Til greina kemur að ráða eina afleysingastöðu deildarlæknis til viðbótar frá apríl/ maí 2018. Starfshlutfall er 100% og er unnið í dagvinnu og á staðarvöktum. 

Deildarlæknar kvennadeilda starfa á meðgöngu-, fæðingar- og sængurlegudeildum ásamt kvenlækningadeild Landspítala. Þeir taka þátt í allri kennslu/fræðslu námslækna á deildinni. Allir deildarlæknar deildarinnar fá handleiðara. 
Formlegar námstöður í kvensjúkdómum og fæðingarhjálp hefjast 1. september ár hvert og verða þær stöður auglýstar í byrjun árs 2018. Tími í afleysingarstöðu getur nýst sem hluti af námsstöðu svo lengi sem viðkomandi tekur þátt í kennslu og fyllir út logbók.

Helstu verkefni og ábyrgð
» Þjálfun í kvenlækningum með þátttöku í klínísku starfi
» Þátttaka í framhaldsmenntun og vísindastarfi
» Handleiðsla og kennsla kandídata og læknanema

Hæfnikröfur
» Góð færni í mannlegum samskiptum og öguð vinnubrögð
» Íslenskukunnátta
» Almennt íslenskt lækningaleyfi

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.
Öllum umsóknum verður svarað þegar ákvörðun um ráðningu hefur verið tekin. Tekið er mið af jafnréttisstefnu LSH við ráðningar á spítalanum.

Umsókn skulu fylgja náms- og starfsferilskrá ásamt lækningaleyfi. Viðtöl verða höfð við umsækjendur og byggist ákvörðun um ráðningu í starfið á þeim og innsendum gögnum. 
Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 100%
Umsóknarfrestur er til og með 18.12.2017

Nánari upplýsingar veitir
Kristín Jónsdóttir - [email protected] - 825 3761
Anna Dagný Smith - [email protected] - 825 3675

LSH Aðstoðarlæknar kvennadeilda
Hringbraut
101 Reykjavík


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn