Hjúkrunarfræðingar - Landspítali, smitsjúkdómadeild - Reykjavík - 201711/1842

 

Hjúkrunarfræðingar - Smitsjúkdómadeild
 
Viltu öðlast fjölþætta reynslu? Við óskum eftir áhugasömum hjúkrunarfræðingum til starfa á smitsjúkdómadeild A7 á lyflækningasviði. Starfshlutfall og vinnufyrirkomulag er samkomulagsatriði, unnið er í vaktavinnu sem hefur marga kosti umfram dagvinnu. Möguleiki er á föstum næturvöktum. 

Deildin er 20 rúma sólarhringsdeild, ætluð sjúklingum með bráð lyflæknisvandamál. Deildin sérhæfir sig í smitsjúkdómum en sjúklingahópurinn er fjölbreyttur og gefast því góð tækifæri til starfsþróunar og að öðlast fjölþætta reynslu. 

Á deildinni starfa um 70 manns í nánu samstarfi við fagfólk í öðrum sérgreinum. Góður starfsandi ríkir á deildinni og er unnið markvisst að faglegri þróun og fögnum við nýjum hugmyndum. 
Við tökum vel á móti nýju fólki og veitum góða einstaklingshæfða aðlögun. Það er velkomið að heimsækja okkur á deildina. Áhugasamir hafið samband við Stefaníu, deildarstjóra.

Helstu verkefni og ábyrgð
» Ákveða, skipuleggja og veita hjúkrunarmeðferð
» Virkur þátttakandi í þróun og uppbyggingu verkefna á deild
» Fylgjast með nýjungum í hjúkrun
» Þátttaka í þverfaglegri teymisvinnu

Hæfnikröfur
» Jákvætt viðmót og góðir samskiptahæfileikar
» Faglegur metnaður, frumkvæði og sjálfstæði í vinnubrögðum
» Hæfni og geta til að starfa í teymi
» Íslenskt hjúkrunarleyfi

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Öllum umsóknum verður svarað. Tekið er mið af jafnréttisstefnu LSH við ráðningar á spítalanum. 

Æskilegt að umsækjendur geti hafið störf sem fyrst. Um er að ræða 4 stöðugildi. Umsókn fylgi náms- og starfsferilskrá ásamt afriti af prófskírteinum og starfsleyfi.

Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 50 - 100%
Umsóknarfrestur er til og með 18.12.2017

Nánari upplýsingar veitir
Stefanía Arnardóttir - [email protected] - 825 3688
Þórdís Ágústa Ingólfsdóttir - [email protected] - 824 5480


LSH Smitsjúkdómadeild
Fossvogi
108 Reykjavík


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn