Hjúkrunarfræðingur - Landspítali, endurhæfingageðdeild Kleppi - Reykjavík - 201711/1838

 

 

Hjúkrunarfræðingur með áhuga geðhjúkrun og meðferðarstarfi
 
Spennandi starf á sérhæfðri endurhæfingargeðdeild Kleppi þar sem ríkir einstaklega góður starfsandi sem einkennist af vinnugleði, metnaði, skipulagi og sveigjanleika. Á deildinni eru ótalmörg tækifæri til að vaxa í starfi og dýpka þekkingu sína á geðsjúkdómum, fíknivanda og stuðningi við fjölskyldur. Vaktabyrðin er hófleg og því óhætt að segja að starfsumhverfið sé fjölskylduvænt.

Deildin er 10-11 rúma legudeild og sinnir meðferð ungmenna á aldrinum 18-30 ára sem flest eru greind með geðrofssjúkdóma og fíknivanda. Rík áhersla er lögð á að styðja vel nánustu aðstandendur í innlögninni og veita aðallega hjúkrunarfræðingar þann stuðning.

Markmið endurhæfingar er að endurhæfa skjólstæðingana aftur út í samfélagið. Lögð er áhersla á að unnið sé samkvæmt gagnreyndri þekkingu og viðurkenndum verkferlum. Meðferðarstarf deildar einkennist af þverfaglegri teymisvinnu, fjölskyldustuðningi, skaðaminnkandi nálgun og batamiðaðri þjónustu.

Helstu verkefni og ábyrgð
» Ákveða, skipuleggja og veita hjúkrunarmeðferð í samráði við skjólstæðinga og bera ábyrgð á meðferð samkvæmt starfslýsingu

Hæfnikröfur
» Faglegur metnaður og framúrskarandi samskiptahæfni skilyrði
» Reynsla af geðhjúkrun er æskileg en ekki skilyrði
» Áhugi á geðhjúkrun og meðferðarstarfi skilyrði
» Íslenskt hjúkrunarleyfi

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Öllum umsóknum verður svarað. Tekið er mið af jafnréttisstefnu LSH við ráðningar á spítalanum. 

Starfið er laust 15. janúar 2018 eða eftir nánara samkomulagi. Umsókn fylgi náms- og starfsferilskrá ásamt afriti af prófskírteinum og starfsleyfi.

Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 80 - 100%
Umsóknarfrestur er til og með 18.12.2017

Nánari upplýsingar veitir
Ingibjörg Þór Reynisdóttir - [email protected] - 543 4210
Elísabet Þóra Davíðsdóttir - [email protected] - 543 4212

LSH Sérhæfð endurhæfingargeðdeild
v/Kleppsgarð 3
104 Reykjavík


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn