Hjúkrunarfræðingur - Landspítali, meðgöngu- og sængurlegudeild - Reykjavík - 201711/1852

Hjúkrunarfræðingar á meðgöngu- og sængurlegudeild
 
Meðgöngu- og sængurlegudeild auglýsir laus til umsóknar tímabundin störf hjúkrunarfræðinga í 9 til 12 mánuði . Um er að ræða 2 stöðugildi og unnið er í vaktavinnu. Ráðið verður í störfin frá 1. janúar 2018 eða eftir samkomulagi.

Leitað er eftir hjúkrunarfræðingum sem hafa áhuga á að sinna fjölskyldum í barneignarferlinu. Hjúkrunarfræðingum sem stefna á ljósmæðranám er sérstaklega bent á að starf á deildinni veitir dýrmæta reynslu inn í ljósmæðranámið.
Deildin sinnir heilbrigðum og veikum konum í sængurlegu eftir fæðingu. Einnig annast deildin konur sem þurfa innlögn og náið eftirlit á meðgöngu og við missi á meðgöngu við 12-22 vikur. Veitt er fagleg umönnun með fjölskylduhjúkrun að leiðarljósi. 

Helstu verkefni og ábyrgð
Hjúkrunarfræðingur veitir sængurkonum umönnun í samráði við skjólstæðinga og ber ábyrgð á störfum sínum samkvæmt starfslýsingu. 

Hæfnikröfur
» Góð samskiptahæfni og jákvætt viðmót
» Öguð og skipulögð vinnubrögð
» Faglegur metnaður
» Íslenskt hjúkrunarleyfi 

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Öllum umsóknum verður svarað. Tekið er mið af jafnréttisstefnu LSH við ráðningar á spítalanum.

Umsókn fylgi náms- og starfsferilskrá ásamt afriti af prófskírteinum og starfsleyfi. Ákvörðun um ráðningu byggist á innsendum gögnum og viðtölum.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 70 - 100%
Umsóknarfrestur er til og með 18.12.2017

Nánari upplýsingar veitir
Hilda Friðfinnsdóttir - [email protected] - 543 3046

LSH Meðgöngu- og sængurlegudeild
Hringbraut
101 Reykjavík


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn