Verkefnastjóri - Landspítali, göngudeild Kleppi - Reykjavík - 201711/1851

 

Verkefnastjóri á göngudeild Kleppi
 
Við sækjumst eftir framsæknum og lausnarmiðuðum einstaklingi til starfa sem verkefnastjóri á göngudeild Kleppi. Á deildinni starfa þverfagleg teymi sem sinna sérhæfðri meðferð fyrir fólk með geðrofssjúkdóma eða aðrar alvarlegar geðraskanir. Meðferðarnálgun er fjölþætt og ræðst af þörfum og getu hvers einstaklings. 

Starfsemi göngudeilda geðsviðs er í spennandi uppbyggingar- og þróunarferli þar sem markmiðið er að auka öryggi, efla skilvirkni, auka gæði þjónustu og stöðugar umbætur. 

Helstu verkefni og ábyrgð
Starfssvið verkefnastjóra er m.a. aðstoð við rekstur og þróun teyma, ritari á teymisfundum, biðlistaumsjón, yfirsýn yfir viðveru starfsmanna og nýtingu húsnæðis.

Hæfnikröfur
» Reynsla og kunnátta í SÖGU-kerfi, Heilsugátt og Microsoft Office er æskileg
» Reynsla af þverfaglegri teymisvinnu er æskileg
» Hæfni til að vinna sjálfstætt og í samvinnu við aðra meðferðaraðila
» Sveigjanleiki og lipurð í mannlegum samskiptum 
» Góð almenn tölvukunnátta og færni í mæltu og rituðu máli
» Háskólamennntun sem nýtist í starfi

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Fræðagarður hafa gert.
Öllum umsóknum verður svarað. Tekið er mið af jafnréttisstefnu LSH við ráðningar á spítalanum.

Umsókn fylgi náms- og starfsferilskrá ásamt afriti af prófskírteinum og starfsleyfi. Ákvörðun um ráðningu byggir á innsendum gögnum og viðtölum.

Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 100%
Umsóknarfrestur er til og með 18.12.2017

Nánari upplýsingar veitir
Rannveig Þöll Þórsdóttir - [email protected] - 543 4427
Helga Sif Friðjónsdóttir - [email protected] - 824 5973


LSH Göngudeild geðsviðs
Hringbraut
101 Reykjavík


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn