Hópstjóri í símaveri - Hagstofa Íslands - Reykjavík - 201712/1883





Hópstjóri í símaveri

Hagstofa Íslands leitar að metnaðarfullum og kraftmiklum einstaklingi sem hefur ánægju af samskiptum til að stýra öflugum spyrlahópi í símaveri Hagstofunnar. Starfið heyrir undir gagnasöfnunardeild og felur í sér rekstur símavers, stjórnun vakta og samstarf við aðra starfsmenn deildarinnar um framgang og umsjón rannsókna. 
Helstu verkefni hópstjóra felast í að stýra símaveri Hagstofunnar og tryggja fagleg og árangursrík vinnubrögð við framkvæmd úrtaksrannsókna. Hópstjóri vinnur jafnframt að ráðningum og þjálfun spyrla, samskiptum við gagnaveitendur og frumúrvinnslu gagna.

HÆFNISKRÖFUR
Reynsla af stjórnun með mannaforráð
Reynsla af rekstri símavers er kostur
Góð almenn tölvuþekking er nauðsynleg
Stúdentspróf eða sambærileg menntun
Góð íslensku- og enskukunnátta
Þekking á spurningalistarannsóknum er kostur
Þjónustulund, færni í mannlegum samskiptum og samstarfshæfni
Frumkvæði, nákvæmni og skipulögð vinnubrögð

Um er að ræða 80% starfshlutfall og er vinnutími frá kl. 14 – 22 mánudaga til fimmtudaga. Æskilegt er að viðkomandi geti hafið störf sem fyrst.  Laun eru skv. kjarasamningi fjármálaráðuneytisins og hlutaðeigandi stéttarfélags.

Umsóknarfrestur er til og með 2. janúar 2018 og skulu umsóknir berast til:  Starfsumsókn,  Borgartúni 21a, 150 Reykjavík eða rafrænt á netfangið [email protected]. Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir gilda í sex mánuði frá því umsóknarfrestur rennur út.

Nánari upplýsingar um starfið veita Helga Hauksdóttir og Stefán Logi Sigurþórsson í síma 5281000.

Hagstofa Íslands er miðstöð opinberrar hagskýrslugerðar á Íslandi. Hlutverk Hagstofunnar er að vinna hlutlægar hagskýrslur, hafa forystu um samhæfingu hagtalna, stunda rannsóknir og stuðla þannig að upplýstri umræðu og faglegum ákvörðunum. Nánari upplýsingar má finna á www.hagstofa.is


Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn