Verkefnastjóri - Háskóli Íslands, Íslensku- og menningardeild - Reykjavík - 201712/1881

 

Verkefnastjóri við Íslensku- og menningardeild, Hugvísindasvið, Háskóla Íslands. 

Íslensku- og menningardeild á Hugvísindasviði Háskóla Íslands óskar eftir að ráða til starfa verkefnastjóra í hagnýtri íslensku sem öðru máli, sem samhliða myndi gegna stöðu aðjunkts II í faginu. Verkefnastjórinn mun í samráði við námsbrautarformann Íslensku sem annars máls og fasta kennara námsbrautarinnar hafa umsjón með hagnýtu námi í íslensku sem annað mál, sem hefur verið boðið upp á undanfarin ár. 

Um er að ræða fullt starf sem mun skiptast í 51% verkefnisstjórastarf og 49% starf aðjunkts II. Að hálfu leyti felst starfið þannig í verkefnastjórnun sem snýr að skipulagi og stjórnun kennslu á þessu sviði og að hálfu leyti í kennslu nemenda í hagnýtri íslensku. Verkefnastjórinn verður hluti af starfsliði námsbrautarinnar Íslenska sem annað mál en mun einnig starfa í náinni samvinnu við Tungumálamiðstöð Háskóla Íslands.

Helstu verkefni eru:
Skipulag og stjórnun kennslu á sviði hagnýtrar íslensku sem annars máls.
Kennsla í hagnýtri íslensku sem annað mál.
Umsjón með ráðningum og þjálfun stundakennara.
Þróun námsefnis.
Mótun umsóknarferlis nemenda.
Þátttaka í mati á umsóknum nemenda.

Menntunar- og hæfniskröfur:
Meistarapróf í íslensku eða annarsmálsfræðum.
Umtalsverð kennslureynsla í íslensku sem öðru máli á háskólastigi.
Góðir skipulagshæfileikar.
Færni í mannlegum samskiptum.
Góð kunnátta í ensku.
Færni í fleiri tungumálum er kostur. 

Sá sem ráðinn verður þarf að hafa áhuga á menntamálum og vexti og viðgangi íslenskrar tungu. Einnig þarf viðkomandi að vera reiðubúinn að taka virkan þátt í stefnumörkun á sviði íslenskunáms fyrir einstaklinga sem hafa annað móðurmál en íslensku og getu til að vera virkur í alþjóðlegri samvinnu á þessu sviði.

Laun eru samkvæmt kjarasamningi fjármálaráðherra og hlutaðeigandi stéttarfélags, í samræmi við þau starfsheiti sem um ræðir.

Umsóknarfrestur er til og með 27. desember nk.
Gert er ráð fyrir að viðkomandi hefji störf 1. febrúar 2018 eða sem fyrst eftir nánara samkomulagi.

Sótt er um rafrænt inn á vefsíðu Háskóla Íslands undir laus störf. Umsóknum skal fylgja ferilskrá, auk bréfs þar sem áhuga á starfinu er lýst og hvað umsækjandi telur sig hafa fram að færa til starfsins. Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Nánari upplýsingar veitir Jón Karl Helgason námsbrautarstjóri, netfang [email protected], sími 525 5238 og Óskar Einarsson rekstrarstjóri, netfang [email protected], sími 525 5236.

Við ráðningar í störf við Háskóla Íslands er tekið mið af jafnréttisáætlun skólans.

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn