Flutningastarfsmaður - Landspítali, flutningar - Reykjavík - 201712/1893

 

Flutningastarfsmaður
 
HEFURÐU GAMAN AF HREYFINGU OG MANNLEGUM SAMSKIPTUM?

Flutningaþjónusta Landspítala óskar eftir fleiri frábærum liðsmönnum í öflugt teymi flutningastarfsmanna. Í boði er fjölbreytt og líflegt starf sem felur í sér mikla hreyfingu og mikil samskipti. Starfið hentar báðum kynjum og fólki á öllum aldri en lágmarksaldur er þó 18 ára. Í flutningaþjónustunni ríkir góður starfsandi og félagslífið utan vinnu er öflugt.
Vinnutími er kl. 8-16, virka daga en æskilegt er að viðkomandi geti unnið til kl. 18:00 einu sinni til þrisvar í viku.

Teymið sinnir aðallega léttari og hraðari flutningum innan spítalans m.a. blóðeiningar, sýni, hraðsendingar, lyf, póst sem og sjúklinga á milli deilda. Það sér einnig um rúmaþjónustu við deildir, móttöku flutningsbeiðna og útdeilingu þeirra og sér um stöku afleysingar á spítalaskutlunni sem ekur milli Hringbrautar og Fossvogs.

Helstu verkefni og ábyrgð
» Ýmsir léttir flutningar um spítalann
» Rúmaþjónusta
» Beiðnamóttaka og útdeiling verkefna
» Akstur spítalaskutlunnar í afleysingum af og til
» Þátttaka í teymisvinnu

Hæfnikröfur
» Jákvætt viðmót og góð samskiptahæfni
» Mikil þjónustulund
» Góð íslenskukunnátta
» Samviskusemi í störfum og mætingu
» Almenn akstursréttindi

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og SFR - stéttarfélag í almannaþjónustu hafa gert.
Öllum umsóknum verður svarað. Tekið er mið af jafnréttisstefnu LSH við ráðningar á spítalanum.

Um er að ræða 3 stöðugildi og er eitt þeirra laust frá áramótum en hin frá byrjun febrúar 2018.

Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 100%
Umsóknarfrestur er til og með 27.12.2017

Nánari upplýsingar veitir
Geir Þórðarson - [email protected] - 825 5177
Gylfi Skarphéðinsson - [email protected] - 825 3855

LSH Flutningar H
Hringbraut
101 Reykjavík


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn