Sérfræðingur í verkefnastjórnun - Velferðarráðuneytið - Reykjavík - 201801/018



Sérfræðingur í verkefnastjórnun á skrifstofu ráðuneytisstjóra

Velferðarráðuneytið auglýsir eftir sérfræðingi til starfa á skrifstofu ráðuneytisstjóra. Leitað er eftir kraftmiklum einstaklingi í fullt starf. 

Meginhlutverk skrifstofunnar er að stuðla að faglegri og metnaðarfullri starfsemi ráðuneytisins. Skrifstofan er ráðherra til fulltingis við stjórnun ráðuneytisins og er með yfirsýn yfir verkefni þess og samhæfingu. Skrifstofan stýrir innra stefnumótunarstarfi, vinnur að þróunarmálum og hefur yfirsýn yfir stefnumótun í málaflokkum. Auk þess sér skrifstofan um almannatengsl og upplýsingamál og hefur yfirsýn yfir alþjóðasamstarf.

Starfið felur í sér að leiða stefnumótun hjá ráðuneytinu, verkefnastýringu stefnumótandi verkefna sem og þátttöku í stefnumótun, árangursstjórnun og eftirfylgni stefna. Þá felur starfið í sér þátttöku í innri umbótum, viðhaldi gæðahandbókar og ýmsum málum. 

HÆFNISKRÖFUR
Háskólamenntun sem hæfir verkefninu, meistaranám í verkefnastjórnun eða stefnumótun er kostur
Reynsla og þekking af því að vinna að og stýra stórum verkefnum
Þekking og reynsla í stefnumótun
Góð tölvuþekking er nauðsynleg
Þekking á gæðastjórnun 
Færni í mannlegum samskiptum 
Frumkvæði, árangursdrifni og sjálfstæð skipulögð vinnubrögð

Um er að ræða áhugavert og fjölbreytt starf í krefjandi starfsumhverfi. Æskilegt er að viðkomandi geti hafið störf sem fyrst.  Um launakjör fer samkvæmt kjarasamningi Félags háskólamenntaðra starfsmanna stjórnarráðsins og fjármála- og efnahagsráðherra.  Ráðuneytið hvetur karla, jafnt sem konur, til að sækja um starfið.

Umsóknir ásamt upplýsingum um menntun og fyrri störf skulu berast velferðarráðuneytinu, Skógarhlíð 6, 105  Reykjavík eða í tölvupósti á póstfangið [email protected]  eigi síðar en 31. janúar 2018. Öllum umsóknum verður svarað þegar ákvörðun um ráðningu hefur verið tekin.  

Nánari upplýsingar um starfið veita Sveinn Magnússon [email protected] og Anna Lilja Gunnarsdóttir [email protected] í síma 545-8100.

Velferðarráðuneytinu, 4. janúar 2018

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn