Sviðsstjóri fjármála- og þjónustu - Þjóðminjasafn Íslands - Reykjavík - 201801/013

 

Sviðsstjóri fjármála- og þjónustu hjá Þjóðminjasafni Íslands
 
Þjóðminjasafn Íslands auglýsir laust til umsóknar starf sviðsstjóra fjármála- og þjónustusviðs. Hjá Þjóðminjasafni Íslands starfa 80 manns og annast fjármála- og þjónustusvið allan almennan rekstur stofnunarinnar. Undir sviðið heyra fjármál, starfsmannamál, sýningargæsla og safnbúðir, húsnæðis- og öryggismál, tölvumál, stjórnsýsla og skjalavarsla.

Helstu verkefni og ábyrgð
Fagleg ábyrgð á starfsemi og þróun sviðsins í samræmi við heildarmarkmið og áherslur stofnunarinnar. Yfirumsjón með fjárhagsáætlanagerð stofnunarinnar og ábyrgð á að reksturinn sé í samræmi við lög og fjárheimildir. Ákvörðun um verkefni í samráði við þjóðminjavörð og starfsmenn, markmiðasetning og ábyrgð á að viðhlítandi árangur náist. Virk þátttaka í verkefnum sviðsins og verkstjórn. Seta í framkvæmdaráði þjóðminjavarðar ásamt öðrum stjórnendum sviða. Samskipti við ráðuneyti, stofnanir og samstarfsaðila. 

Hæfnikröfur
Menntun sem nýtist í starfi, háskólapróf í viðskiptafræði æskilegt, framhaldsgráða kostur.
Þekking á opinberri stjórnsýslu og opinberum fjármálum og rekstri nauðsynleg.
Að minnsta kosti þriggja ára stjórnunarreynsla.
Reynsla af bókhaldi.
Góð tölvukunnátta nauðsynleg.
Lipurð í mannlegum samskiptum og jákvætt viðmót.
Frumkvæði og sjálfstæði í starfi og öguð vinnubrögð.
Færni í íslensku og ensku, jafnt töluðu og rituðu máli, kunnátta í einu Norðurlandamáli kostur.

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Umsókn skulu fylgja yfirlit og greinargóðar upplýsingar um störf umsækjenda og menntun, afrit af prófskírteinum ásamt kynningarbréfi þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.

Við ráðningar í störf er tekið mið af jafnréttisáætlun stofnunarinnar. Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá því að umsóknarfrestur rennur út.


Starfshlutfall er 100%
Umsóknarfrestur er til og með 22.01.2018

Nánari upplýsingar veitir
Margrét Hallgrímsdóttir - [email protected] - 5302200
Hildur Halldórsdóttir - [email protected] - 5302239

ÞMÍ Þjóðminjasafn Íslands (02902)
Suðurgata 41
101 Reykjavík


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn